مرحبا حبيباتي بنات سيدات الامارات…..
الموضوع باين من عناوينه،،،،
بما انه في مجموعه كبيييييييييييرة من العرايس ،، خلونا نستفيد من اساليب بعض…
الكثيرات من المتزوجات والامهات والداير بين الحريم كلمة ( الريال تعاملي وياه بالسياسه) :22 (14): … فهل ممكن نفهم بعض اكثر ماهي السياسه المقصود بها بأمثله مجربه ومفصله …
وخصوووووووووووصا اذا كان الزوج من الشخصيه الصلبه اللي كلمته قويه ومو اي كلمه تييب رااسه..
،,،,ومنكـ ـ ـ ـمـ نسـ ـ ـتـ ـ ـفـ ـيد،,،,
شخصية الريال … اتحدد طريقة تعاملج معاه .. وطريقة السياسة اللي تتبعينها
يعيني اذا قلتيلي شو شخصية الريال .. ممكن اقولج كيف التعامل معاه
افا عليج .. علم النفس .. يهذب النفس .. وع قولة استاذنا خخخخخ .. علم النفس يفتح النفس
…. فلانه ممكن تسويلي ::: ((( إنشــــــــــــــالله فالك طيب حبيبي من عيني هاذي قبل هاذي))):::::
….. ممكن أأأأأ ((( انته تامر أمر )))))
بعدين الوحده تقدر تتتتترفع فوق فوق وفوق …. يوم اهيه تسوي واجياتها لزوجها قبل مثلا لايرد من الدوام
حتا لو انتي بروحج الخدامة تيبلج و تخدمج
جدام ريليج انتي هاتي وسوي وعدلي … تكبرين في عينه ….
وطبعا الإحترام و حفظ اللسان … الرياييل يكرهون الي صارخ ممهما كان ….
وانتي اللي تقولين الصح … وتعرفين … وانتي اللي تبتدين فالخدمة … وتكونين جدام ريليج جوهره
حساسه
والله يوفقك الجميع يارب
وانتظر الباقي عشان تعم الفائدة للجميع
والافضل يوم يكون ريل فاضي ماعنده شي يسوووووية
ادلعه تتحترمه اتراضي بكل الطرق تمدح فيه وفي شكله خلي اتحسسه انه هي ماتسوى شي من دونه
ووووووووووووووشي واحد تبتعد عنه العنااااااااااااااااااد الريال مايحب الحرمة اتعانده ان شاء الله شو مايكووووووووون تسمع كلامه وماتسوي شي الا برضى ريلهااااااا
انا كنت في البدايه اتريا ريلي يفهملي بالاشاره.. او يعرف مغزى حركاتي..
بس اكتشفت مع الايام ان اهم شي في استمرار تناغم الحياه الزوجيه هو الكلام …
الوحده لازم ماتخلي شي في خاطرها ماتتفاهم فيه مع زوجها بأسلوب لبق وحلو مافيه تحدي ولا امر..
الريال مايفهم بالاشاره والتلميح لازم اتكلمين عشان تفهمينه ان هالشي يعيبج او ودج لو يسويلج اياه او العكس…
خلي الكلام مبينكم مثل الكوره مره عندج ومره عنده…
وتصدقين ان اغلب الدراسات تقول الزوج والزوجه مايبتدون يفهمون بعض صح الا بعد مرور 5 او 6سنوات زواج…