¨¨¨°~*§¦§ Your Stylist §¦§*~°¨¨¨

السلام عليكم

شخبآآركم صبايا ،، ان شاء الله بخير وعافيه

حبيت احط هالموضوع لكل اللي يحبون الموضه والازياء والفاشون بس محتارين في طريقه اللبس ، اللون ،، الموديل ،، ويبون اقتراحات واستشارات ،،

انا حطيت هالموضوع عشان اكون لكم ستايلست اساعدكم في تنسيق الملابس الشوز الشنط الاكسسوار ،،

مو بس المشاهير عندهم استايلست خاص انا ممكن اكون لكم ستايلست احم

عندكم قطعه محتارين على شو تركبونها شو تفصلونها ممكن افيدكم ،، انا وايد الف بمواقع الازياء العالمية والمصممين فـ ممكن افيدكم باذن الله

اترياكم حبايبي ويكفيني دعوه منكم

وايد حلوه فكرتج ما شاء الله
يعني نصور لج القطعه اللي محتارين فيها وانتي تشورين علينا شو نسوي فيها
عندي وايد أشياء أبالها أفكار

عيونج الحلوة

على راحتج تبين توصفينها ،، ولا تصورينها بعد يكون افضل ،،

ان شاء الله افيدج

سبحان الله وبحمده .. سبحان الله العظيم
سبحان الله وبحمده .. سبحان الله العظيم
سبحان الله وبحمده .. سبحان الله العظيم

مرحبااااااااا

موضوعج حلو .. ياليت يثبتونه

انا قبل سألت .. عندي قطعه مخمل عنابي دشت خاطري فالمحل

والحين محتاره كيف افصلها

اخر شي قلت بسويها مغربيه وفيها فتحتين صغار عالجنب والشغل عليها بيكون باللون الذهبي

شرايج ؟

واذا عندج افكار غير خبريني
مشكوره

اهمم اوكي
من فترة خذت من زارا شورت اسود وااايد قصير يعني يادوب يغطي ومن فوق هاي ويست
يوصل لين تحت الصدر وقطعته شامواا رووووعة بس للحين مالبسته ماخذتنه ب ٣٥٠ حررام ماعرفت انسق وياه
شو تقترحين علي؟؟

مراحب

المخمل حلو الحين دارج موضه ،، حلو المغربيه ،، وممكن تطريز ذهبي ولا سلفر كله بيطلع حلو

عندي لج اقتراحات ثانيه ،، شوفي هالفستان ،، ممكن تسوين نفسه طبعا ساده ،،

وضيفي عليه اكسسوارات طوال ولولو واحجار اللي حابتنه شرات هالاشكال

وممكن تسوينه نفس الصورة واسع من تحت وممكن ضيق حسب اللي يناسب جسمج