~*¤®§(*§ ميلس بيت العمر حياااكم ويانا ^___^ §*)§®¤*~

المشاركة الأصلية كتبت بواسطة Umm Humaid

السلام عليكم ورحمة الله وبركاته ….

اشحالكم عزيزاتي … ان شاء الله بخير …

اخباري طيبة الحمد لله .. ركبوا بوابة البيت … وبيبان الالمنيوم للمطبخ والمطبخ التحضيري ..وحاليا يركبون عتبات

الحجر … وبعدهم شغالين … بالصبغ الخارجي … من يخلصون بيبدون بالاصباغ الداخلية ان شاء الله …

وهي … وقعنا عقد المطبخ عند مصنع الشارقة للالمنيوم وعطانا ب 24000 للمطبخ والمطبخ التحضيري …

مع مغسلتين … وشفاطة وحدة ماركة تيكا ….والمشكلة وايد ضغط عليهم بيخلص المطبخ بعد العيد ان شاء الله …

والحمد لله اشترينا الكترونيات المطبخ البلت ان … ماركة سيمينس … وخذته من الوكيل اللي هو بيتر لايف …

خذت مايكرويف و الغاز اللي فوق بو 5 عيون وفرن كهربائي مقاس 90 * 60 وكلفنا كله 8400 درهم بعد الخصم

طبعا ..

ماشاءالله يا أم حميد ..سعر ررروعة بصراحة ..والأجهزة ماعليها كلام … أنا بعد خذت مايكروويف سيمنس
إن شاءالله يطلع مطبخج مثل ما تبين
موفقة حبيبتي

شو اخر مستجداتج …. خلص مطبخج ولا بعده؟؟

المشاركة الأصلية كتبت بواسطة lili pop

مساء الخير خواتي

أم حميد …..ما شاء عليكم الله يوفقكم ويهنيكم بالبيت بغيت أسألك بما اني انقطعت فتره عنكم شو أحسن كهربائيات المطبخ من فرن ومايكرويف وغيره أتفق مع صاحب المطابخ يوفرهم مع الكباته ولا أنا أشتريهم وشو أحسن ماركه وين مكان الوكيل اللي ذكرتيه وفي أي إمارة.

هلا بليلي … اذا سرتي لمحلات المطابخ فهم يتعاملون اكثر شي مع ماركة تيكا … ماركة معروفة و ذات جودة … اذا بغيتي ماركة تيكا انصحج تاخذينها من المحل اللي بتفصلين المطبخ عندهم لان يعطونهم اسعار حلوة … انا سرت محلهم في دبي والصراااحة … موووووووووووول ما عيبني اسلوبهم ولا جنه حد في المحل … وقالوا لي افضل تاخذينه من المحل اللي بيفصل لج المطبخ لانه نعطيهم خصم .. اتخيلي … واخر شي غضيت عن ماركة تيكا خخخخخخخ …..

والماركات للفرن الصراحة اللي كنت باخذهم ولفيت عليهم عندج ماركة Bosch , Smeg , Elba, Semense

شوفي اذا بغيتي فرن الغاز عندج ماركة سمج و البا …. اما اذا بغيتي فرن كهربائي عندج البوش والسيمينس ….واللي عرفته انه البوش والسيمينس ما عندهم فرن غاز … اما الهاب عندهم غاز ..

واغلبهم ماركة ايطالية … واهم شي تختارين اللي يعيبج بس انا هاي الماركات اللي مدحولي اياها
خلال جولتي … وان شاء الله استفدتي …

وبيتر لايف.. انا مريت فرعهم اللي في مردف سيتي سنتر بس ما يسوولج خصم …. ومريت فرعهم اللي في شارع كلداري … عند محل ساينتكنيك … سوالي خصم تقريبا 400 درهم … لانه هو الوكيل لماركة سيمينس …

المشاركة الأصلية كتبت بواسطة ميار

وعليكم السلام ورحمة الله وبركاته

تسلمي ام حميد كفخت جميع المحلات اللي قلتي عليهم ماحصلت شي اللي يعجبني فيه محل حطيت العين عليه على ما اعتقد اسمه نازو عنده بيج كريمي مثل الحليبي والثاني زيتي فاتح
وعليه قطع فواكه بارزه مع الارضيه تبعه بس للحين متحيره فيه لاني بغيت اعرف محلات المطابخ اللف عليهم وايش تصاميم وتشكيلات المطابخ للعملي والتحضيري

زين حصلتي شي عيبج … و مثل ما قلتي … خذي لج جولة لمحلات المطابخ … لا تقولين تو الناس … لا وقته الحين افضل لج … استفيدي من اخطاءنا ….وبالتوفيق …

مبروكين على البيت اليديد

نواري هالتمر مب من كم شهر محطاي هني؟؟؟تبين بطنا يخترب قبل ولائم رمضان خخخخخخخخخ

ما شاء الله الامور ماشيه مع الكل تقريبا..اعتقد لان رمضان جريب ومعظم المقاولين يبون يشتغلون عدل قبل رمضان…

وهذا احنا بعطيكم اخبارنا بالصور

اليوم ان شاء الله من صباح الله خير ودينا ديزاين الانترلوك للمقاول<<<< حااارين ههههههههه

هاذيل صور بعض الديكورات اللي اخترتهم للبيت السعيد ان شاء الله
لو لاحظتوا الغرفه الرئيسيه بعدنا ما اخترنا لها, وغرفة البنوته ام الورود كنت ابا اسوي فيها بعد فراشه بس في اللحظه الاخيره ريلي ما حبها ولغاها وخلينا الورود كتنزيل

بيبان الحمام تكرمون سويناهم المونيوم لونه بني خشبي, والزجاج اللي فيه هالديزاين كلهم موحد

وخلاطات المغاسل اخترناهم من مركز الاتحاد

اما راعي الرخام للدرج الخارج والمغاسل فمطلع عيونا
العمال يشتغلون يوم واسبوع محد
اليوم ريلي بيروح بيشوف شو موضوعهم, واشوفه مشمر عن اياديه ومب ناوي عليهم خير >_<

سمسومة عزيزتي …اشتقتلك ..شخبارك ما شاء الله نشيطه تعجبيني والديكورات تبارك الرحمان وايد حلوة بس خليك مراقبتنهم خطوة بخطوة أثناء التفيذ …أما صاحب الرخام لا تذكريني كلهم جذه متعبين وايد نحن ركبلنا الدرج وما برم الأطراف وخلى آخر عتبه من فوق فاضيه وكل يوم بيي وما نشوفة حجته يوم بتركبون جرانيت المدخل بيي مره وحده ..أقول لزوجي ما يجبرنا ناخذ من عنده لأني عاجبني جرانيت عند واحد من المحلات في صناعيه الشارقة وأبغي أركب من عنده وأم سارله بوالعيال ورمسه يستعجل ويركبلنا قبل رمضان وعدنا خير والله كريم .