للقراءة والمطالعة وطلب العلم فوائد جمة تعظ العاقل وتنبه اللبيب فمن ذلك
– رفع الجهل عن النفس
– طرد الوساوس والهم والحزن
– اجتناب الخوض في الباطل
– فتق اللسان وتدريبه على الكلام
– تنمية العقل وتجويد الذهن
– غزارة العلم و كثرة المحفوظ و المفهوم
– الاستفادة من تجارب الناس و الحكماء
– معرفة الخير و الشر
ـ الرسوخ في فهم الكلمة، وصياغة المادة، ومقصود العبارة، ومدلول الجملة، ومعرفة أسرار الحكمة.
– راحة للذهن من التشتت وللقلب من التشرذم، وللوقت من الضياع
فكن ممن يتخذون العلم أنيساً و الكتاب جليساً و لتسع لتغذية عقلك بالقراءة فالأجساد لا تحيا إلا بالغذاء و الأرواح لا تسمو إلا بالثقافة و لا يحلق العقل إلا بما يصقله و ينيره ، فنهاية طلب العلم (( العقل ))
وصدق المتنبي حيث قال:
أعز مكان في الدُنى سرجُ سابحٍ
وخير جليس في الزمان كِتَابُ.
حاولت احبها وانميها لكن للاسف ما قدرت
كنت اقرا وقت الجامعه لانه تخصصي كان يبيله قراءه عدل
يعطيج العافيه
المشاركة الأصلية كتبت بواسطة احلى بعفويتي 
هلا اختي احلى
ماشاء الله عليكي
زين شو الكتب الي تقرينها او تملين لها ؟
المشاركة الأصلية كتبت بواسطة ماحد شراتي حاولت احبها وانميها لكن للاسف ما قدرت
كنت اقرا وقت الجامعه لانه تخصصي كان يبيله قراءه عدل
يعطيج العافيه
هلا اختي ماحد شراتي
انا فكرت القراءه تستهويني
بصراحه
بس مب دوم اقرأ بصراحه
بس عندي كومه كتب شاريتنها
احلى كاتب عندي باولو يمكن عشان اكثر روايات قريتها له
وكنت اكره اغاثا كرستي بس قريت لها
وحسيتها حلوه بصراحه خاصه الكتب الي طبعتها لونها اسود حلوه كثير
احس الحين تحسنت شوي فيها يعني الواحد يقضي وقته يقرا احسن من
انه يقرا مواضيعي البائسه!
وكتب تنمية الذات كنت احب القراها الحين مب دوم
في كتاب يوم قريته خفت
كله يتكلم عني ونفس الاساليب المتبعه فيه انا سويتها عشان اتخلص من التوتر
!!!!!!!!!!
اتصور اسمه اخلع التوتر او شي من هذا القبيل
خاصه اذا الكتاب يهمك بتنسين الدنيا!
بس المشكله اني مب من هذا النوع!
بس لازم تكون القراءه جزء من حياة الانسان اذا مب كله
هو راي عندي بس ياريت اطبقه