فن لف الورق : الدرس الثالث Fringed Flower

ما شاء الله انا مستانسه انه في وايد بنات مهتمات بفن لف الورق

يالله خل نذكر بالدروس السابقه قبل لا نبدا بالدرس الثالث

الدرس الاول https://forum.uaewomen.net/showthread.php?t=158058

الدرس الثاني https://forum.uaewomen.net/showthread.php?t=307352

الدرس الثالث بيكون عن كيفية عمل الورود الي اختي منايه مدمنه عليها

في الدرس الثاني راويتكم اداه اسمها Fringer

وقلتلكم انه في منها انواع مختلفه تقص بزوايا معينه و مقاسات مختلفه

بس مب لازم تستخدمين هذي الاداه … تقدرين تيبين شريط ورق عرضه 1 سم و الطول مثل ما انتي تبين و تقصين بالمقص … طبعا كل ما زاد طول الشريط كل ما زادت الكشاكش
ممكن تستخدمين شريطين بعرضين مختلفين مثلا وحده عرضها 1 سم و الثانيه 2 سم
وبيطلعلج شكل مختلف

احين عقب ما اتقصين الشريط … اخذي ابرة لف الورق و لفي الشريط

استخدمي صمغ ابيض بعد ما تخلصين لف الشريط
وبعدين فتحي الشكل الي عندج لبرع

و بتظهرلج هاي الورده
اذا بغيتي انه الورده يكون الها مركز … خذي شريط رفيع عرضه 3 مم و لصقيه في طرف الشريط المشرشر و نفذي الخطوات الي فوق

او اذا تبين الورده مشرشره بمقاسين مثل ما قلنا خذي شريط عرضه 1 سم و الثاني 2 سم و لصقيهم في بعض

الحين سويلج كمن ورده بأحجام و اشكال مختلفه و رتبيهم بطريقه حلوه و بتسوين لوحات و بطاقات و توزيعات و اشيا ثانيه روعه

كل الي شفتوه لين الحين ورود

هذي استخدامات عنابه https://forum.uaewomen.net/showthread.php?t=171610

تسلمين والله يعطيج العافيه

^_^ مشكوره على المرور و المشاركه

ما شاء الله عليج صدق فنانه
الله يحفظج وتسلم اناملج الرائعه

مشكوره حبيبتي على المشاركه الاروع

وااااااااااااااااااااايد حلوات