الرجاء الدخووول لاني صدق محتاجة للمساعده ومشاركة الرأي

السلام عليكم ورحمة الله وبركاته …

عزيزاتي ….

بدخل في الموضوع ع طوول وبدون مقدمات لاني ابا احسس ريلي اني صدق قد المسؤووليه وانفع ..

المهم انا عايشه في ملحق في بيت اهل زوجي .. والملحق مكون من غرفتين وحمام ومطبخ تحضيري

المهم بعد الحاااااح مريررر .. وافق زوجي اني اسوي تعديلات في الملحق ولكن بشرط انه نحن ما نكسر او نزيد شي عالملحق لان الماده شوي ما تسمح ..

فالحين ابا رايكم شو اسوي .. غرفتي عباره عن غرفتين مفتوحين ع بعض بينهم آآآرج .. والغرفه الثانيه خليتها حق بنتي ,.

المهم فكرت ريلي انه نحن ننام مع البنت في غرفه .. وغرفتنا نخليها صاله .. بس انا عارضته ع هالفكره .. لان ابا اخذ راحتي .. وغرفة البنت فيها العابها يعني هي بعد ما بتاخذ راحتها

فانا اقترحت انه نقسم غرفتنا لغرفتين وحده نخليها صاله . والثانيه غرفتنا قال ما ينفع لانها بتكون ضيقه وايد .
وبقولكم شي مهم بعد . انه الجدار عندي رطب . يطلع ماي عالجدار يعني بعد مشكله من مشاكل الزمن اللي تصادفني ..

المهم الحين اباكم تعطووني رايكم .. شو اسوي ؟؟؟؟
بالنسبه للصاله ؟؟؟
و الصبغ … اصبغ ولا احط ورق جدران ؟؟
وعن الرسم .. حد يعرف اسعار الرسم عالجدار وين احصلهم ؟؟ وابا اسعار حلوة

وعن غرف النوم .. واليتات .. والستاير

يعني ابا اسوي تغيييير في الملحق ملحوظ .. باسعار حلوة مقبوله يعني ..

ياهل الخبره . طالبه نخوتكم بليز لا تبخلون علي

للعلم انا من الشارجه

للرفع

مرحبا اختيه … اوكي لا تسوين صالة بس سوي في غرفة نومكم قعدة بسيطة .. قنفة وتلفزيون .

وحطي حق بنتج بعد تلفزيون الأطفال لو تبا تشوف رسوم في غرفتها .. الصالة بتصغر عليكم موقعكم اكثر ..

لو كان جدارج يبل ماي لا تحطين ورق جدران .. بيتلف بسرعة وحرام تخسرين عليه ..

وبالنسبة للتغيريات من الديكور .. في معلومة حلوة تقول : لو زوجج عصبي حطيله الالوان الهادية (الازرق والاخضر وغيره)

هلا اختى غرفتج خليها مثل ما هيه بس سوى يلسه بسيطه للتلفزيون و انا رايى انج تاخذين للبنوته الكرسى اللى يستوى سرير عشان توفرين ف المساحه والسموحه