حبيت اكتب هالموضوع من بعد ما شفت وايد مواضيع تتعلق بمشاكل البشره اللي تقول ابا خلطه واللي تقول ابا ماسك واللي ادور عيادات جلديه … يا بنات انتي مهما سويتي في بشرتج من خلطات وكريمات وماسكات مابيأثر فيها اذا اكلج كان غلط واذا ما كنت تاكلين خضروات وفواكه …
الاساس في البشره الصافية والحلوه هو الاكل … اذا ما كنتي تاكلين اكل صحي ما بتتعدل بشرتج بس لو كنتي تاكلين خضروات وفواكه بكثره هالشي بيغنيج عن العيادات والصالونات كل اسبوع …… حتى لو سرتي عياده وعالجتي وتعدلت بشرتج بترجع مره ثانيه تخترب مادام اكلج غلط…
شوفي عندج السوريات ليش بشرتهم دايما تكون صافيه؟ علشان اكلهم كله خضروات وحتى لو تشوفين المسلسلات السوريه في مشاهد الاكل تلقين يهتمون بالخضروات وايد …
انا قبل سنين ما كنت اهتم بأكلي وما كنت اكل خضروات وفواكه اكلي كان غلط وهالشي طبعا ينعكس على بشرتي وكنت اروح عيادات وعند دكاترة جلديه علشان اعالج الحب والبقع وغيره واشتري كريمات من كل الماركات على بالي بيخلي بشرتي حلوه ….عقب شفت اني غلطانه وقلت انا اكلي غلط فلازم بشرتي بتخترب فقررت اغير من طريقة اكلي وقمت اكل خضروات بكثره حتى مرات اسوي عصير خضروات مثل خس مع بقدونس مع جرجير او مرات اشرب عصير طماطم …. والحمدلله بشرتي تغيرت وصارت صافيه وحلوه وودرت عيادات الجلديه …وفوق كل هذا اذا كنتي تاكلين خضروات وفواكه هذا بيأخرلج ظهور التجاعيد….
تبين بشرة حلوه اتبعي هالامور:
1_ بعد كل وجبه تاكلين خضروات خصوصا الخضرااء ( جرجير فجل خس كزبرة بقدونس ) حتى بعد الفطور الصبح لو تقدرين تاكلين نعناع مثلا…
2_ تناول الفواكه على الاقل فاكهتين في اليوم وممكن تشربين عصاير بدالهم خصوصا عصير البرتقال
3_ سوي فيشل في الشهر مره يكفي ولو البنت يالسه في البيت ما عندها دوام ممكن الفيشل مره او مرتين في السنه عادي مره قريت في مجلة كاتبين جي مب شرط كل شهر.
4_ التقشير الاسبوعي بالسكراب ( نفس المشمش وغيره ) + ماسكات اسبوعيه من اللي ترتاحيلها
5_ ما ننسى تنظيف البشره مرتين في اليوم الصبح وقبل النوم بالغسول او اللي متعوده تستخدمينه
6_ الحرص على ترطيب البشره بالمرطب المناسب بعد تنظيفها .
تذكروا الاساس هو الاكل بعدها التنظيف والكريمات والماسكات .
اتمنى انكم تستفيدون من موضوعي
فيه نقطة مهمة بعد نسيتوها مرررررررررررات النفسية تلعب دور كبير بالتاثير بالبشرة
سلالالالالالالالالالالالالالالام
وحتي يابنات ممكن تسونه في البيت وشكلوا ….بعد ماتشربون العصير وبعد نصف ساعة شوفوا ويهكم في المنظرة
بتحسون انه حلو وفي نضارة………………ولاتنسون السلطة ….انا يوميا اكل سلطة …..طماط وخس وخيار وجزر
بس احب اكلها مع سيزر والجبنه …..لان بالطريقة هذه اشتهي اكلها اكثر من السلطة العادية