شحالكن خواتي؟
أنا هذا أول حملي لي وبأقي يومين بدخل الخامس تبارك الله
المشكلة إن الوسواس كل مرة يزيد تعبت والله
أنا مسوية ربط ويوم اقرأ عنه يزيد الوسواس أكثررررر تعببت والله
تجارب البنات اللي فالنت. هي خلته يزيد بعضهن ينفتح عندهاالربط ومات البيبي واللي مدري شوضار فيها 
خاااااائفة وااااااااايد ادعن لي خواتي أني أكمل حملي لين التاسع.
اختي أذكرج لو نسيتي
ان الجنين من تنفخ فيه الروح (حوالي الشهر الثالث) يكتب رزقه وعمله و أجله
ومايسير الا اللي كتبه رب العالمين " لا يستقدمون ساعة ولا يستأخرون"
خلي الوسواس عنج وعن قراية اللي مايفيدج
وقت تحسين بشي على طول شوفي دكتورة
ريحي عمرج واقري عن تجهيزات البيبي وعن الاستعداد للولادة وسوالف العناية بالبشرة والجسم والشعر وقت الحمل وفي فترة النفاس
شو بتسوين وشو خططج لفترة النفاس حقج وحق البيبي وحق بيتج وحق ريلج
ليش ماتقرين سورة البقرة كل يوم او تجزئين القراية على ثلاثة أيام بالكثير وتداومين عليها
جهزتي غرفة البيبي والا بيكون معاكم في الغرفة
أحس لو تشغلين تفكيرج بالايجابيات وبالآمال واااااايد بيساعد وبيفيدج
وربي ان شاءالله يتمملج حملج على خير
انتي بس اقري المعوذات واتوكلي على الله