وعدتكم في يوم من الأيام بخبركم عن قصة ولادتي لطفلي الأول (احمد )
اول شي الحمدالله ربي رزقني بعد انتظار سنة ونص الحمل بأحمد ..
كنت اعاني من تكيسات المبيضين .. والحمدالله بعد الدعاء والصدقة والكثير من الصالحات وحسن الظن بالله ربي رزقني بالحمل
وحامي كان خفيف وقوي يعني اتيني ايام عادي اكل واشرب عادي
وايام ارجع لدجة يطلع لي نمش تحت اعيوني واستوي اخرع
المهم
الحمدالله تم الموضوع على خير وصلت لشهر التاسع ..
.. هم عطوني تاريخ 8/6/2019 موعد ولادة
بس انا ولدت بتاريخ 10/6/2019
وعطوني تاريخ 18/6/2019 اخر موعد للولادة … لان حملي متاخر
فانا كنت متوقعة هالتاريخ
قبل الموعد ابيوم .. كنت طبيعية مووول ما احس ابشي امشي اسولف عادي جدا
فجاءة اشتهيت كستر .. وبقوة مول مب طبيعية … رحت اتصل لدكان
اول ما بندت عنه .. على طول فتح الماي عندي .. وتم ينزل واااااايد …
مت من الخوف … زقرت اختي … واتصلت ابريلي
وعلى طول رحت المستشفى نوموني ..
كان هذا بتاريخ 9/6 الساعة 8 المغرب
تميت في المستشفى وكنت موووولية ما احس بشي .. بس بخوف من لحظة الولادة
وسبحان الله هاليوم وااايد حريم موعد ولادتهم ..
فكانوا حاطيني بعنبر .. وكل ربع ساعة اسمع وحدة اصارخ تتويع بتربي
و انا 
تميت اليل ابطوله بس استغفر .. استغفر … استغفر
خواتي واحليلهن موول ما رقدن كل شوي يتصلن لي ويسالون عن اوضاعي …
المهم الصبح شربت زعتر و جرفة .. الساعة 7 بديت احس بويع بسيط اقل عن الم الدورة
بس هذا كان بداية الالم … بس انا كنت مندمجة بالإستغفار وطول الوقت اتخيل يفتح ابسرعة واربي ابسرعة بدون الم
الساعة 10 زاد حدة الالم كلما يزيد اخذ نفس عميييييق واهدا يخف الالم
الساعة 11 لا زااد زاد بديت احس اني ابا اروح الحمام تكرمون ..
بس ما كنت اصارخ … بس اتنهد من الالم ومحد كان وياي …
عقب تميت انادي على النيرس والدكتورة …
موول ما قدرت اتحمل …
يتني الدكتورة جيكت علي … قالت ابسرعة هاي حالة ولادة
اول مارقت على سرير الولادة يقولون لي لا اسوين بوش
اقول ما اقدر احس ابروحه يستوي
اتنفس واسوي بوش
كل شوي لين ما طلع الراس الحمدالله
ويبته بالسلامة …
عقبال كل حامل ان شاء تشوف ولدها بخير وصحة وعافية
اوصيكم بالإستغفا والدعاء بتيسير الامر عليكم
ويارب يرزق كل وحدة تنتظر الحمل على احر من الجمر
انا ما قدرت اكتب التفاصيل لاني نسيت والله وهذي نعمة من الله
ولدي احمد الحين عمره 5 شهور الحمدالله
حريم نصيحتي لكم .. لا تتركين الفولك اسيد والفيتامينات والكالسيوم من اجل صحتج وصحة الطفل .. حتى بعد الربى …
ومبروووووووك ماياااج
يتربى في عزكم ان شاء الله
ومبروك ماياج فديتج
مع اني خايفة على موضوع الولادة .. بس كلامج ريحني شوي