معرفة أيام الإباضة جاوبوني بليز

بنات أنا دورتي منظمة أو بالأحرى تنزل يوم 2 أو 3 في الشهر بس حبيت أعرف منى أحسب أيام الإباضة ومن أي يوم أحسب علما بأني رحت للدكتورة وهي شاطرة بس كل تقولي يوم 14 و 15 هي أيام الإباضة ما أعرف كيف بس مايستوي ليش ما أدري يعني أنا سقطت في شهر 3 ولحد الحين ما حملت ما أدري ليش وأنا بعد رحت ومسحت جاوبوني

السلام عليكم
اشحالج الغالية انا بعلمج كيف تعرفين بالضبط لأن انا كنت مثلج ما اعرف بس عقب ما قريت كتاب امريكي تعلمت بالضبط

المهم احسبي من اول يوم دورة لج لين اليوم 11 مب 14 اوكي
ثانيا شي شوفي الإفرارزات من تصير زلالاية شفافة مطاطة مثل بياض البيض هاي هي افرازات التبويض
ثالث شي التبويض تقريبا 3 ايام وكل ما حسيتي انها زادت افضل
رابعا الأغلبية يحسون بألم اتجاه المبيض وقتها وبتشعرين بالحر شوي

بقولج ليش الحين مب من اليوم 14 تحسبين لأن احيانا ايام التبويض اجدم واحيانا تتأخر حسب نفسيتج سبحان الله من تتوترين تتأخر ايام التبويض وفي ناس تتاخر لين قبل الدورة سبحان الله

اتمنى اتكونين عرفتي الحين واذا في اي استفسار انا حاضرة

مشكورة إختي

اولا لازم تفحصين وتتأكدين ان مافي بقايا من المشيمه في الرحم او مافي تليف او تكيس او انسدادات او لحميه.. لازم تسوين فحوصات للهرمونات لان الهرمونات تتلخبط بعد الحمل سواء بولادة او اجهاض.. لازم ريلج يسوي فحوصات لان الاجهاض قد يكون سببه عيب خلقي في الكرموسومات.. وانتي وريلج سووا فحص الاجسام المضاده anti-bodies للدم والحيامن يمكن جسمج يرفض الحمل فيجهضه..

هل الدورة منتظمه؟ اذا مب منتظمه لازم يتم تنظيمها .. وبخصوص معرفة ايام الاباضه شوفي الرابط التالي:
https://forum.uaewomen.net/showthread.php?t=536894

بالتوفيق عزيزتي