الكنافه على طريقة اختي

اخير قررت اني انزل موضوع من تطبيقي

طبعا ادور اسهل شي عشان اسويه

وخذيت طريقة الكنافه من اختي وجربتها

نبدأ بالمقادير

كنافه – نص كوب سكر – نص كوب حليب بودره ( نيدو ) – قشطه – ربع كوب نشأ – 3 حبات كيري اختياري – سمن او زيت

1.نطلع الكنافه من الثلاجه ونخليها لين تلين عشان نقدر نتحكم فيها
2. نشربها بالسمن
3.نحط نص من الكنافه بصحن البايركس

والحين نجهز الخلطه…

بجدر صغير نحط الحليب النيدو ونصب عليه شوية ماي ونحركه ونحط السكر والنشأ والقشطه والجبن ونحركه بسرعه عشان ما يتكتل…

نحطه ع النار ونحركه لين ما تصير عندنا متماسكه واذا احتاجت ماي ضيفي عليها شوي…

تطلع عندنا مثل خلطة الباشاميل

والحين نصب الخلطه ع الكنافه

والحين نحط طبقه ثانيه من الكنافه..
ونحددها بالسكين قبل ما اندخلها الفرن..

وندخلها الفرن ونشغل النار من تحت لين ما يصير لونها ذهبي.. وبعدين نطفي النار ونشغل من فوق بس لين تحمر

ونطلعها ونصب الشيره البارده عليها ونزينها بالفستق الناعم

اتمنى ما اكون نسيت شي

طلعت حلوه والكل اكل منها

ادعوا لي اكون طباخه ماهره مثلكم خخخخخخخ

ناااااااااااااااااااااااااااايس ، ربي يوفقج

واي شو هالطريقه سهله تسلم ايديج حبوبه
ومشكوره اليوم بطبقها

هاي تقليد مب اصليه ههههههههههههه
الجبنه هاييج شو يسمووونه مال الكنافه ؟ نسيت يمكن عكاوي ؟

بس هاي بعد شكلها يمي .. ما طرشتيلنا طشونه ..
ان شالله تكونين طباخه ماهره عشان تأكلين ريلج من ايدج ^.*

يسلمووووووووو ع المروووووووور

تسلم الايادي ……………… بنجربها