حبيت يا أخواتي اتناقش معاكم عن ظاهره غريبه ع عاداتنا و تقاليدنا و دينا …
و هي …..
*** لبس البنات للعبي اللي تكون نصف دائريه و البنطلون اللي تحتها نفس نقشة العباءه ****
شو صار في الدنيا ؟؟؟ شو هالموضه الغريبه ؟؟؟؟
ندخل المول و اشوف عجب العجاب البنت البنطلون تقريبا كله طالع و الشعر و الكعب ؟؟؟؟ ليش ؟؟؟
صارو الشباب اذا فكرو يخطبون يترددون من اللي يشوفونه ,,, لا القهر اللي تكون لابسه جيه و حاطه يدها بيد زوجها و يتمشون مع فل ميك اب و الشعر ثلاث ارباعه طالع و يمر عليه واحد من ربعه و حرمته جيه ؟؟ شو تكون ردة فعله ؟؟ او اللي مع خوها او بوها ؟؟؟؟؟
بس ابغي اعرف هل هذا الشي ء من عاداتنا و تقاليدنا و دينا ؟؟؟
يا الله اتريا ردودكم ….
ان انصح اللي يسوون جيه يعقون العباه احسن مادام اللبس كله طالع، العباه تضيع الوقت تحتاج كوي وشل بلاها احسن.
وبالنسبه للريال اللي اهله جذيه اسمحولي مش …………………..
الله يستر علينا كلنا ويهدي البنات والحريم الاماراتيين وغيرهم
مابقول الا الله يحفظ ويستر ع بناتنا
نسأل الله الهداية للجميع
مشكورات خواتي ع الردود و الله يهدي الجميع …
واشوف التفاعل والردود
الكل مب عاجبه اللي يصير
هني نوقف إذا كلنا مستنكرين هالشي
منو اللي يلبس ومنو اللي نشوفه بالاسواق كل يوم
وليش أسواقنا صارت العبي اللي تنباع أغلبها للفتنه ومنو يشتريها ؟؟
واذا وحده ماتلبس ووحده من أهلها تلبس أو أربيعتها ليش ما تنصحها ؟
أحس اللي ما يحترم لبسنا وحشمتنا يخلي الغرب يتكلمون عنا ما يحب بلاده و لا يمثل هويتنا ،،،،