بنتي وصياحها المزعج والدائم،، شو أسوي؟؟

السلام عليكم

عزيزاتي الأمهات شخباركم؟؟

مشكلتي الدائمة مع بنيت اللي كملت 7 شهور ،، للحين صياح ،، مليت من صياحها ،، وتعبت ومب عارفة شو أسوي ،،
والله ما أقدر أطلع ولا أسر ولا أرد ،، حتى الواجبات الاجتماعية مب قادرة أأديها بسبب صياحها المزعج والدائم ،، حتى أبوها ابتعدنا عن بعض والسبب هي ،، صرت أتمنى أسولف معاه ونتكلم بس مب عاطتني فرصة ،
وايد ناس يعتقدوني أبالغ في كلامي والله بس لما شافوها صدقوني وبعد ما اقتنعوا ،،

تصيح صياح مزعج ،، قالوا لي إذا تأكدتي ما فيها شي اتركيها اتصيح يوم يومين عشرة وبتتعود ،، وشبعتها،، بدلتها رقدتها،، وديتها الدكتور جيكتها ما فيها شي بس الصياح هو هو ،،

والله هي أول وحدة وكنت أفكر أحمل أو ما اتكمل سنة ونص بس الحين بأجل لين عقب لأنه ودي أرتاح شوي ،،

والله ما تصدقون من كثر ما أنا مشغولة معاها ودي أروح الناي أعدل جسمي اللي قاعد يتبهدل يوم ورا يوم بس والله مب حاصل لي ،،
مرة وحدة سرت الناي خلتني أكره حياتي ،،
وأنا ما أروم أتركها عند حد لأني أنا وأنا أمها ما أروم أتحمل صياحها ،، وتعبت ،،

عطوني حل حل حل تعبت

الله يعينج ..

انزين حاولي اتلهينها بشي ..

اشتري لها العاب فيها اصوات .. حطي لها رسوم فالتلفزيون و خل اتجابله << يمكن تجذبها الالوان شوي و تسكت ..

ازين انتي شو اتسوين لما هي تصيح
كيف اتسكتينها…تلعبين معاها ولا تعطينها حليب؟؟

يمكن ردت فعلج هي السبب..لا تستغربين
الياهال يفهمون كل شي …ويسون اشياء الواحد يستغرب منها
يمكن هي تسوي جي عشان تحصل على اهتمامج وتركيزج
مش لتقصير منج…بس حب في الدلع وتحس انج مهتمه بها

أنا بنتي أول ما اتشوفني أقرا شي ولا ارتب الاغراض
تلصق وتصيح وتدلع

حاولي تكتشفين السبب

والله خاسه فيج

انا بنتي نفس الشي بالظبط لدرجه اذا رحت مكان الكل يتأفف صرت ما روح لاعزايم ولا شي

وهي جذيه من اول ما انولدت وحتى في المستشفى ماتحمولها قولولي اول مره يمر علينا بيبي جذيه ويابوا دكاتره يشيكون عليها ابدا مافيها شي وكل حد يقولي ليش بنت جذيه يتحرون بيدي والله اني اقعد اصيح من كثر صياحها

بس تحملي ما تم شي فتره وبتهدا الحمد لله بنتي يوم كملت السنه وبدت تلتهي مع اللعاب مع اليهال بدت تهدا اشوي وكل ماكبرت بأذن الله بتهدا

بس نصيحه سوي شرات انا ما سويت دعيت ان الله يبتلي كل وحده اتعيب على بنتي انه الله يعطيها ياهل شراتها واسد اتصدقين ان الكل خاف ههههههههههههههههههههههههههههههههههههههه لانه طفرررررت

ودايم ادعيلها بالهدايه

جربت وتعبت معاها والله ،، لهيتها بالألعاب والأصوات والتلفزيون،، تنشغل شوي بس لما تبا تصيح مافي ولا لعبة ولا شي يلهيها،، بتصيح بتصيح وبإزعاج

انا بعد نفسج
ما اروم اسير مكان اتفشل منها
بس يالله بصب والله كلي امل انها تتغير يا رب يا رب

يمكن إنت عودتيها يعني كل ما تصيح تشلينها.. الله يعينج لأني حميتي نفس الشي بنتها كله تصيح لأنها عودتها تكون دوم شالتنها وفي حضنها ..وألحين كله تصيح وما تسكت إلا يوم تشلها..
حاولي دوم تقرين عليها الفاتحه وأنا هالطريقه أتبعها في الوقت اللي يعذبوني فيه العيال وأقرا عليهم وسبحان الله يهدون..تحملي لفتره وإن شاء الله بتهدى بنتج شوي شوي..
الله يبارك فيها إن شاء الله