بغيت اقولكم عن كالسيدوني للعبايات والتعامل مع صاحبتها
في البداية اول ما سمعت عنها قلت بفصل عندها وهالكلام كان في شهر سبعه
وكل ما اتصل اتقول شهر 8 بنزل كولكشن يديد وبنمر الشارجة فقتلها انزين انا بسافر وبرجع اخر 8 فقالتلي عادي استقبل الطلبات حتى في شهر رمضان لانه عندنا الي يخيطون وايد في مشغلها
ورجعت من السفر واتصلت فيها وردت عليه وكان اسلوبها حلو وكل شي وما شفت منها الا كل خير بس عيبها مواعيدها وتطنيشها لي.. فعطتني موعد انها تيني البيت هالاسبوع فتصلت بها واتصل ومسجات وما ترد عليه ابدا
فرمست اختي تتصلها من تيلفونها بعد طنشت مكالماتنا ومسجاتنا
شكلها وقفت الطلبات واستقبال الاتصالات
انزييييييييييييييييييين انتي يوم ما تقدرين تستقبلين حد في رمضان ليش وعدتيني انج بتين عندي البيييت واعتمدت عليها اعتماد كلي على اساس اني افصل عندها
الله يسامحها وهقتني والله الحين وين بحصل حد يستقبلني ويفصلي عباه حق اول يوم العيد
كنت حاطة في بالي افصل عباه حق صباحية العيد عندها لكن صدمتني والله والله
المشاركة الأصلية كتبت بواسطة ملااك الكوون 
الغالية ما ادري سمعت دار المزري نفس موديلات دار وعد تقريبا لانه اعتقد هن خوات بس انا ما احب الدانتيل وايد وهم يعتمدون على الدانتيلات
المشاركة الأصلية كتبت بواسطة الراقيـة اتصلي فيها واسأليها
المشاركة الأصلية كتبت بواسطة شمسة المهيري لانه يمكن انتو من دبي واقرب
بس والله اني من اسبوعين قبل ما ارد من السفر ماخذه موعد على اساس تيني هالاسبوع وطنشتني
بس خبريني خواتج متى بيستلمون عبيهم؟؟
بس انا مستغربة من شي الي فصلو قبلي بيستلمون عبيهم في اواخر ارمضان عيل انا متى بستلم عباتي لووووووووووو فصلت الحين عندها وشكلي ما بفصل اهيء اهيء اهيء
انا ما شفت شي ولا عبرتنا