مجبوس دياي بالروب طريقة امي الغااااااالية ^^

طبعا هذا طباااخ امي الغاااالية ربي يحفظها ويطول بعمرها <<< قولووووو آمين ^^

المهم ..

المجبوس سهل جدا ولذيييذ في نفس الوقت ,,

اتفضلو الطريقة مع المقادير :

اول شي نقطع الدجاج قطع كبيرة (استخدمنا دجاجة وحدة ) ^^
وبعد التقطيع نغسلها عدل .. وانحط الكركم وانخليها على صوب 10 دقايق ..

انحط الزيت في جدر كبير و اول ما يسخن الزيت انقلي الدياي فيه <<< امي تقول من الاحسن انقلي
الدياي في نفس الجدر الي بنحط العيش فيه عسب النكهه تكون احلى ^^

نقطع : بصل + بطاطا + جزر <<< واذا تحبون شي ثاني عادي ممكن اتضيفونه
بس عن نفسي ما احب الزحمة وااايد ^^ ,,, وانضيفة للدياي المقلي

هذا بعد ما استوى الدياي والبطاط والجزر << تقريبا 10 دقايق

نقطع 3 حبات طماط ,,,

وانضيفهن للدياي ,, + البهارات <<< حسب الرغبة + ملعقة ملح او حسب الرغبه ^^

هني اضفنا الماي الساخن للدياي ..

انضيف الثوم للدياي …

وانضيف 4 روب ..

الدياي والروب ,,,

انضيف العيش ..

ونتركة على النار 10دقايق وبعد ال 10 دقايق انخفف النار وانغطي الجدر بالألمنيوم
ونتركة يستوي على نار هاديه ,,,

وهني قبل ما يستوي العيش ب 5 دقايق <<< هني احترقت بالبخار إهئ إهئ