كبة باللبن من مطبخ أم إلياس

اليوم طبخت كبة باللبن على طريقتي طبعا
وحبيت أشارككم بالطريقة
وإذا عيبتكم الطبخة ما أبي منكم غير دعوة حلوة
نبتدي بسم الله
الكمية تكفي 5-6 أشخاص
المقادير:
-عجينة كبة حوالي ربع كيلو ( أنا طبعا أجهز البرغل وأنقعه تقريبا مقدار كوبين وبعدين أوديه للحام هو يجهزها ويتبلها أنا أتعامل مع لحام السفير …. يسويها روعة ويحط البهارات وكل شي)

-5 حبات بصل متوسطة الحجم مفرومة ناعم
-ربع كيلو لحمة مفرومه للحشو
-نص كوب صنوبر للحشو
-كيلو روب ويفضل روب ستيريلاك لأنه فيه حموضة

-6 فصوص ثوم مطحونه

-سمن بلدي ويفضل سمن الدقداقة ( الصراحة هالسمن نكهته روووووعة في الطبخ… وأنا أستخدمه في كل الأكلات اللي أطبخها باللبن )

-ضمة كزبرة صغيرة مفرومة ناعم

-بهارات ( ملح ، كزبرة ، كمون ، كركم )
-2 ملعقة كبيرة نشاء
-4 مكعبات ماجي
-حامض ليمون حسب الرغبة
-1 لتر ماء

–الطريقة

-نجهز الحشوة:
نحط في المقلاه شوية زيت قلي وبعدين نضيف البصل ونرش عليه رشة ملح

نجليه لين يذبل ويتحمر شوي ونضيف اللحمة المفرومة

ونغطياها ونتركها شوي وبعدين نشل الغطا … تلاحظون انه تكون شويه ماي عليها .. وبعدين نضيف البهارات ( ملح + كزبرة + كمون + كركم )
نحركها لين ما ينشف سوي وتستوي

يتبع………….

وبعدين نضيف الصنوبر ونحرك شوي ونطفي النار

-نييب عجينة الكبة ونعمل منها كور صغار

-نجوفها من النص بالهشكل

-نحط فيها من الحشوة اللي عملناها

-وبعدين نسكرها ونسويها بهالشكل

-عقب ما حشيناهم كلهم

-وبعدين نقليهم بالزيت

– الحين نجهز اللبن
-نصب الروب في اليدر ونحركه شوي بمضرب السلك

-وبعدين نضيف الماي ونحطه عالنار ونحركة لين ما يسخن شوي

يتبع ……………………….. برجع بعد شوي لا تسيرون مكان ههههههههههه

– وبعدين نغرف شوي من اللبن بكوب ونحط فيه 4 ملاعق كبيرة نشاء ونحركهم لين يوب النشاء

ونضيف الخليط للبن وننحركه لين يصير كثيف .. طبعا تزيدون نشاء اذا ما طلع كثيف مثل ما تبون

– وبعدين نضيف الماجي ونحرك … طبعا لا تحطزم ملح لأنه الماجي فيه ملح … براحتكم طبعا… وإذا حبيتو ممكن تحطوا ملعقة صغيرة حامض ليمون اذا بغيتوها حامضة زيادة
– وبعدين نضيف ملعقة صغيرة من كل من الكزبرة والكمون ونحرك زين
– الحين نسقط الكبة حبة حبة ونتركها شوي عالنار