عجبني لأمر النساء ؟ المغفلات
اللي ما فيهم ذرة عقل
وكل تفكيركم مجرد عواطف و دموع
عمركم سمعتوا ان حرمة ماتت لعيون عشيق او زوج ؟ لا 
عمركم سمعتوا ان ريال مات لعيون عشيقة او زوجة ؟ يا كثرهم والله عنتر و روميو و غيرهم و اقروا في القصص و الروايات
طيب وين الكيد وين الذكاء وين الحكمة وين الفطنة ؟؟؟
سوري بنات بس جد
يعني وحدة تقول ريلي يخوني و بواجهه الحين او شاكة انه يخوني !
طيب واجهتي شو تستفيدين الحين ؟؟
جفت روج ع كندورته ؟
جفته خاش فون في موتره ؟ ( ليش خاشنه تحت تاير السبير )؟
ولا وحدة تقول لي جفته خاش طقم الماس و حاط كرت باسم وحدة عربية ولا خليجية ولا شو ما كانت ؟
جفته حاجز فندق باسمه و ساير هناك بدون لا يخبرني ؟
( يمكن حاجز مع ربعه- الحين الغرفة فيها مسبح و ورود حمراء و حاجز لربعه ، احتمال لو هو مب ريال اصلا ) ؟
ياخي ما تتعبون من كثر ما اطلعون لهم اعذار لهم ؟؟؟
طيب لو واجهتيه الحين شو بتستفيدين و انتي ما عندج اي دليل ومب متاكدة
و انتي ما تدرين شو السالفة اصلا
ليش تواجهين و تخربين بيتج و تخربين ع نفسج ؟؟؟
طيب واجهتيه
و رد و قال : والله حبيبي عطيت تلفوني لربيعي و هو يرمس بنات و يحلف لج ع القران
والله حبيبي اللي كانت يالسة عندي في الموتر مب ربيعتي والله ، هاي ربيعة ربيعي و انا وصلتها بس
و يحلف مليون مرة ما يخونج
هل تصدقينه او لا ؟
عمرج سمعتي ب قاتل اعترف بجريمته 
سؤالي : ليش تواجهين في بداية الخيانة ؟
هاي اكبر غلط
*غيري تقول لج : لا تواجهينه مول مول مول خلي نفسج غبية
طيب لو ما واجهتيه خير شر عبالج بيبقى وياج طول العمر؟؟؟؟؟
ما بيى اليوم اللي بيظهر من البيت و بياخذها ولا بيرجع لج ولو رجع لج بس عسب اليهال؟
*غيري بتقول : يالمغتربة الريايييل ما يتزوجون بنات الشوارع ،، لا حياتي يتزوجون و نص بعد
*غيري بتقول : طنشي و وراج عيال
( ليش تراج ميته فيه و تغارين عليه ، ليش تخلين اليهال شماعة و انتي لاحقة وراه مثل المينونة ؟)
*غيري بتقول : عادي بطلق منه وما ابغيه ( يالله سيري و اطلقي محد يودج ؟)
لو كل الحريم فكروا نفس ها التفكير جان معظمنا مطلقات
طيب شو اسوي الحين ؟؟؟
الحل الافضل : لا تواجهين ابدا ابدا ابدا في بداية معرفتج بالخيانة
اكبر غلط المواجهة الفورية
طيب قلبي يغلي يالمغتربة ما اقدر 
لا عيوني اصبري و اكلي لج بندول حبتين و ارقدي عدل و فكري براحتج
خلي ابليس يوقف ع طرف و يقول هاي الحرمة طلعت اقوى مني 
لازم تعرفين كل التفاصيل
عسب تقررين عقب
اقرر شو بالضبط؟
عسب تقررين شو تسوين و كيف تحافظين ع بيتج و شو الخطط اللي تسوينها ؟
ليش بنات ابليس قدروا يخطفون الرياييل
و انتي انثى شراتهم يعني قادرة تعدلين و تسوين و تغيرين مرة مرتين ثلاث
بعد ما تمسكين كل الخيوط و الادلة
و تكونين جاهزة نفسيا و متأكدة من الموضوع
و تعرفين كل التفاصصصصصصصصصصصصصيل
و تكونين قوية مثل الاسد وما تخافين
عقب تقدرين تواجهينه
تواجهين عسب ترتاحين / عسب يخاف / عسب يعرف انج مش غبية/ عسب يحط لج الف حساب
عسب يصلح غلطته
انتي ما بتواجهين عسب يعترف لانج من داخلج عارفة السالفة اصلا و متأكدة و مخلصة
بسكم جذب و خرط و سوالف
لان صدق تمللت من بعض الحريم اللي ما فيهم لا كيد ولا ذكاء
الحرمة بفطرتها تسوي اي شي عسب تحافظ ع بيتها
زبدة الموضوع
لا تواجهينه في بداية معرفتج بالخيانة
ولا تتغابيين و اطنشين الموضوع نهائيا لان ممكن الموضوع يكبر مع الايام
ولا تتخذين قرار و انتي معصبة !
اقعدي و روقي و فكري عدل
تقدرين تعدلين بيتج لو كان عندج عزيمة و قوة قلب و اصرار
لو بنات ابليس قدروا يخطفون 10 رياييل بذكاءهم و نعومتهم
انا اروم ارد زوجي لي و للبيت
في حريم اسميييهم خروفات
من الريال يقول شي
تصدق على طول مثل الهبلة و تركض وراه
كأنه الزوج السلطان سليمان و اخرته لا جمال ولا دلال ولا شي
ولا الي شاري طقم الماس ومزيين حجرة الفندق ب ورود حمراء–> والله لو انا جان حرقته حرق الهندوس
ياخي كلنا بشر !
كلنا نغلط !
لكن نسكت و نتجاهل وما نسوي شي ولا نفكر !
فعلا كانت عندي زميلة شكت بزوجها بس ما لقت دليل
تقول يا ريت فتشت وراه
تركها و راح لوحدة ثانية مع انه فيه صفات جميلة و حلوة و مافي شخص كامل
بس تقول لو لحقت ع نفسي و عرفت الموضوع و مسكت بيتي ما صار كل هذا
حتى هو نفسه يقول ياريت فتشتيني قبل و مسكتيني و هددتيني
صار الموضوع لانها ما تبغي تفتش او ادور او تحرق قلبها
الرجل شرات الطفل يبغي له متابعة شوي مب وايد او مب مول ما اتابعينه
فعلا ها الحريم يبغي لهم وأد الجاهلية
مشكلتنا اختي العزيزة لا نتحمل أبسط المشاكل مثل الزوجات سابقا و حياتنا الزوجية مليئة بالمشاكل ، تربيتنا و تطلعاتنا و مبادئنا جعلتنا مختلفات عن زوجات الزمن الماضي ، زوجات الزمن الماضي من أفضل الزوجات و الأمهات و أنجحهن هل نسميهن ( خروفات) لأنهن حافظن على بيوتهن و صبرن على أذى أزواجهن !!!
لماذا لا نقول الحق مرة واحدة أو التفكير بعقلنا و نفكر بالشرع لو مرة واحدة في حياتنا !!!
الحقيقة نحن مخطئات كثيرا و نفكر بقلوبنا فقط و نعلم تماما بأن بعض الحلول التي نكتبها لبعضنا البعض لا تمت بالشرع بأي صلة
إنما فقط ( لتبريد حرقة القلب و تبريد الحرررة ) !!!
كل زوجة صبرت على أذى زوجها و تحملته هي الرابحة سواء في الدنيا أو الآخرة ، سؤال ما فائدة البحث و الشك بالزوج ؟!
الزوج عقله برأسه اذا فكر بالخيانة فإنه سيخون حتما دون استشارتك و اذا فكر بالزواج من الثانية سيتزوج و لا أحد في هذه الدنيا سيمنعه !!!
فقط أصلحي من نفسك و أطيعيه و فوضي أمرك لله مهما كانت أخلاق زوجك . فحتى كحل العين التي تتجملين به لزوجك تؤجرين عليه .
تنقصنا الثقافة الزوجية ( الشرعية ) و هو الصبر ثم الصبر ثم الصبر على سوء خلق الزوج ، مشكلتنا لا نتعمق الشرع بهذا الخصوص و نكتفي بأخذ آراء بعضنا البعض و ملئ رؤوس بعضنا بالمكائد و شحنها الخطط !!! و نفكر ان نعلق الزوجة الضعيفة من المروحة و نناديها بالخروفة الخ … !
هناك الكثير من الايات و الاحاديث التي وعد بها الله الصابرين و بين لنا فيها الشرع جزاء الزوجة الصابرة ، ( و بشر الصابرين)
و مشكلتنا الثانية هو مقارنة أنفسنا بالرجل كيف هو يخونني بينما أنا لا أخونه !!!
لماذا انا اصبر على اذاه و هو لا يصبر على أذاي؟!
ما الفرق ؟
هناك فرق عزيزتي و هو انك امرأة و هو رجل و هذا كلام الشرع ( الرجال قوامون على النساء)
و لكن هذا لا يبرر خيانة الزوج فهو وقع في معصية الزنا وحسابه عند الله
و لكن انتي كزوجة و كأم عليكي المحافظة على بيتك و احتساب الاجر العظيم الذي وعدك الله به ، اربحي الآخرة أفضل لكي من أن تربحي الدنيا فقط و كسر ( خشم ) الزوج !
فالأفضل لي و لكي و لكل زوجة مسلمة على وجهه الأرض اللجوء للشرع أولا و آخرا …
هداني الله و اياكن للصواب
مافي وحده غبية يمكن تستغبى ومافي وحده ماعندها عقل مستحيل يعرفون بس البعض منهم
تفضل تصبر وتعيش عشان راحت عيالها وبيتهم وماتبا تطلق ,,, والبعض تفكر طبعا براحتها اول شي وتبدأ بفتح ملفات لحياتها الجديدة
حتى البنت لو عرست وعمرها 16 سنة تكون فاهمة وعارفة حركات الرياييل بالعكس مافي وحده مب فاهمة او حتى ماتحس أي وحده يقولها ريلها من هالتبريرات
صدقيني ماتصدق بعقلها الباطن بس ظاهريا تقنع نفسها وتقتنع ان كلامه صح عشان تسايره ,,,
اذا كل الرياييل خونه معناته كل الحريم خونة
مب السالفة سالفة انه الحرمة تحاول تبرر لا لانه الثقة موجودة وهذا الشي ما انزرع في يوم او يومين
ريال غريب دخل حياتها مب من الملجة عرفته ولا يوم تزوجته بعد عشرة وسنين
الخوف نابع من مخافة لربه قبل لا يخاف من زوجته ويدري رب العالمين لما يحرم شي يكون له حكمه فالإنسان لما يمرض عمره يتحمل جزا أعماله ومب مجبورة الحرمة تصبر على أغلاط توصل لضررها هالشي خط احمر
فإذا التنبيش بيريح الوحدة كيفها لكن هالشي بيتعبها كيف بتنام وهي بتقعد دور وتخطط محد بينجرح غير الحرمة واذا الريال كان قد الثقة تصرفات زوجته تبين له انه تبيه يخون لانها مب واثقة فيه ولا في نفسها ويمكن الريال يحط في خاطره انه زوجته وصلت لهذي الدرجة
ماتت زوجته وذكراها تم في باله
https://m.youtube.com/watch?v=kqmxheb9NYE
اصابع ايدج مب سوى فإذا الحرمة عارفه انه ريلها يخون الله يعينها لكن اذا شاكة بشي تواجهه ليش تخلي الشي في خاطرها بيعطيها اسباب حبل الكذاب قصير والله بيفضحه لكن تنبش مستغربة كيف بتتقبله وهي بقلبها فيه ذرة شك فالله يعينها
المشاركة الأصلية كتبت بواسطة Ward-uae 
اذا كل الرياييل خونه معناته كل الحريم خونة
مب السالفة سالفة انه الحرمة تحاول تبرر لا لانه الثقة موجودة وهذا الشي ما انزرع في يوم او يومين
ريال غريب دخل حياتها مب من الملجة عرفته ولا يوم تزوجته بعد عشرة وسنين
الخوف نابع من مخافة لربه قبل لا يخاف من زوجته ويدري رب العالمين لما يحرم شي يكون له حكمه فالإنسان لما يمرض عمره يتحمل جزا أعماله ومب مجبورة الحرمة تصبر على أغلاط توصل لضررها هالشي خط احمر
فإذا التنبيش بيريح الوحدة كيفها لكن هالشي بيتعبها كيف بتنام وهي بتقعد دور وتخطط محد بينجرح غير الحرمة واذا الريال كان قد الثقة تصرفات زوجته تبين له انه تبيه يخون لانها مب واثقة فيه ولا في نفسها ويمكن الريال يحط في خاطره انه زوجته وصلت لهذي الدرجة
ماتت زوجته وذكراها تم في باله
https://m.youtube.com/watch?v=kqmxheb9NYE
اصابع ايدج مب سوى فإذا الحرمة عارفه انه ريلها يخون الله يعينها لكن اذا شاكة بشي تواجهه ليش تخلي الشي في خاطرها بيعطيها اسباب حبل الكذاب قصير والله بيفضحه لكن تنبش مستغربة كيف بتتقبله وهي بقلبها فيه ذرة شك فالله يعينها
انا ما قصدت التفتيش ولا اتهت الرجال بالخيانة
قصدت اللي تواجه الزوج يدون ما تتاكد و تخرب بيتها بها الطريقة ؟؟
و بعدين لو عن الصياح عادي الغالية !!
اظني الاغلبية صاحوا ع زوجاتهم حزة الولادة بس الخيانة ما له علاقة بدموع الرجل
ممكن يحبها بس يخون لانها عادة عنده او يحب التغيير او او او او
و وايد ازواج تنزل دموعهم وقت المواجهة و يعتذرون
لو الحب كان بالدموع اظني نحن الحريم مب مقصرات دموع
لكن نرجع لقصدي من الموضوع
ان الزوجة الذكية ما تواجه الرجل في بداية شكها او حتى اكتشفها للموضوع
هذا مقصدي
علقيهن في المروحة صدقيني بيستانسن
يحبن يمارسن دور " الضحية " ولو حتى ريلها بريء بس تختلق خيالات في راسها عشان تمثل دور " الضحية " مرض نفسي
من البداية سوي وقاية
الوقاية خير من قنطار علاج
من البداية كل ماتكلم عن وحدة غريبة عليه او تأمّل عطيه كااااش تهديد شو بتسوين فيه لو مسكتي عليه شي وكوني حازمة و شرسة " والعبارة قصيرة و واضحة" وعقب ماتخلصين الكلام غيري الموضوع و انجلبي 180 درجة " ميااااو " ههههه
وكرري عليه عند كل محاولة تفكير نفس العبارة،، عشان لو يت لحظة وضعفت نفسه على طول يتذكر عبارتج فيهوّن من الخوف