جيرانا والازعاج

ببتدي في الموضوع على طول

المنطقه اللي ساكنين فيها كانت خاليه وكنا مرتاحين لكن عاد امتدت لها يد الحضاره

مثل ما يقولون وابتدى الازعاج من عمال وخلافه واستحملنا قلنا هالشي مؤقت

لكن المشكله في يرانا ( الجيران )

اللي سكن عدالنا تمت يعق وانتو بكرامه شيره زبالته ومخللفات الشير جدام باب بيتنا

تمينا انشلهم وريلي يسير يرمس بشكارهم لكن بدون فايده تمينا على هالحال سنتين

او اكثر لين ما ريلي عصب وتم يفر زبالتهم ( وانتو بكرامه ) جدام بيتهم

وهدد البشكار انه بيبلع الشرطه وشوي شوي ابتدو يخفون عن هالسوالف وصاحب

البيت ريال عود لكن فاهم مب انه طايح ودوم يوقف برع ولا هامنه شي

انزين هالمشكله خفت شوي

لكن ظهرت لنا مشكله يديده من كم شهر سكنو مجابيلنا عرب تمو بعد يعقون مخلفات الشير

جدام بيتنا انقهرنا شو السالفه وين حقوق الجار وبعفسه وبضرايب ويا دريولهم هالمره

هوه يعق ابتدو يخفون لكن ظاهرين لنا بمصيبه من يومين

ياييبن العاب يهال اشكال والوان حتى الالعاب من كبرهن ظاهرات برع البيت ( حديقة

العاب ) ولا نروم نرقد الظهر من صريخ عيالهم واظني عازمين كل العايله يبتدون اللعب

والصريخ من الضحى لين الساعه 11 فليل اظني يسون مناوبات حتى بشاكيري يقولون

ما نروم نرقد الظهر الحشره في ظهر حجرتهم وانا فوق الظهر ابا اغط شويه ما اروم

البغيم شال حجرتي

بخبركم شو اسوي شقا اقولهم انه حرام يؤذون يرانهم مع العلم اني اشوف حريمهم منقبات

بس ما تعرفت عليهم لين الحين تدرون الزمان مب الزمان كل حد لآصق في بيته

لكن طفرنا بصراحه روسنا انتفخت علينا من الحشره

من سكنا وعدالنا عايله امريكيه ولا مره سمعنا حسهم ولا جد أذونا

وهالمسلمين الله يهديهم ما يعرفون حقوق الجار بالمره

انا مفكره اطرش لهم باقة ورد واعلق فيها احاديث عن حقوق حقوق الجار

شو رايكم

واللي عندها فكره تقولها لي

لو كنا في دولة اجنبيه جان بلغنا الشرطه عن الازعاج

لكن نحنا نقول عيب نأذي يرانا ونبلغ

فيدوووووووووووني شو اسوي

عطوني افكار يزاكم الله خير

//

نسيت اقولكم اونه ريلي يقول لعيالي سيرو الملاهي اللي عدالنا حتى حاطين درويلهم

عند الباب يختم على ايدين الصغاريه هههه فاضي والله يالس يعلق

الله يحفظ عيالهم

الله يعينج ………
لا حول ولا قوة إلا بالله العلي العظيم…..

اكييييييييييد هوو ما يدرون ان امسوين لكم ازعاج و ما حاطين هالشي في بالهم

طرشي لهم اللي قلتي عليه بوكيه ورد و فيه كلام و شوفي شو بيسوون

و خليه بدون اسماء

ويعين الجميع

مشكوره غناتي

لكن ابغي حل

انا اقول هم شقا عايشين اذا نحنا مجابلينهم وعيونا ما تغمض من الحشره

والله اليوم رقديت الساعه عشر من التعب ونشيت على ال 12 عشان الصلاه

والا بتم لين الفجر

مرهقه من الحشره

انا اشوف احسن حل الورد مع نصايح دينيه

ومل ما قلتي ما بحط اسمي وبخلي المحل يوصل لهم الورد

وان شاء الله الموضوع ينجح

شاكره لج

شوفي بالأول
روحي سلمي عليهم و اتعرفي عليهم ، ثانيا بعد فترة لمحي لهم ان فيه ازعاج و جيه
اذا ما لقيتي ترحيب منهم ، بلغي الشرطه و ريحي عمرج

حبيبتي صعب
الحين لو اختج نصيحتيها تزعل وين يرانا

والشرطه ما ادري اذا فيه قانون ما يسمح انهم يحولون بيتهم مدينة ملاهي ويأذون يرانهم

بس بيكون آخر حل عندي ( اللي تعرف تخبرني فيه قانون يمنع )

الله كريم

وشكرا لج