مب عارفة كيف ابدا في الموضوع … اللي يشوفني ..يقول هذي ملكت الدنيا ..
متزوجة ريال وسيم وحلو وملتزم واهله طيبين وجامعي …وهي جامعية..وعرسها كان حلو.. والحين حامل ..وعايشة في شقة بروحها ..ماسكنها في بيت اهله ..ولا قصر عليها بشي ….
لكن تدرون خواتي ……
والله انا ما طلبت شي…عمري ما فتحت حلجي ..ماكانت لي طلبات ..كل شي كان عندي عادي..راضية باللي موجود…
لكن اللي كنت ابغيه …
اني احبه …
تخيلوا خواتي ..انا اكرهه …ما احبه …لا تقولون لي بداية الزواج و هالكلام…
انا كنت اعرفه …لانا نعرفه ..خطبني و شفته ويلست وياه بموافقة الاهل..لكن ما حبيته …
كارهتنه من قبل ما اخذه ..وخذته ……وكرهته
كرهت نفسي لاني سكت…
بس شو اسوي..
كل ما كنت اتكلم امي تسمعني كلام …. كلام ما ينوصف…كانت تقولي عمري ما بفرح لج لو خذتي واحد ثاني..وتقولي انتي شايفة المعاريس واقفين طوابير….وانتي بطرانه ..وانتي ..وانتي….
وسمعت الكلام….
اقسم بالله العظيم ..ان كنت اصيح….يوم الملجة ..يوم العرس…..كنت ابتسم للتصوير…الناس لاحظوا…بس والله مب بيدي..
ماكنت حاسة بأي فرحة….
والله يا بنات …. انا ادري ان كل انسان فيه عيوب..انا ما قلت انه مب زين ..بس انا ماحبه…ما اتحمل اشوفه ..
انا معرسة من 6 شهور تقريبا…بس والله لو تسألوني شو اكثر شي في خاطري
اقولكم …..اتطلق…
قبل كنت اضحك …واطلع واسير ويا امي كل مكان …واكشخ وماااااااسكت …
لكن الحين …والله والله ماداني اطلع ….
وكل ما ييت اشكي لامي سمعتني كلام …………اااااه
و لا تتحرون يا بنات اني احب حد …انا وحدة من قبل ما اعرس وانا مقتنعة ان مافي شي اسمه حب قبل الزواج…
بس انا عمري ما حسيت بالحب..مااقدر اسوي شرات المعرسات ..اللي تتحنا و تكشخ بس عشان ريلها ..
تخيلوا ..انا ماتحمل انه يلمس ايدي…
حتى حقه الشرعي….
مرات مااااااااقدر اعطيه اياه …بس مرات اسكت واغمض عيوني واسرح ..انسى كل شي…
الله كتب اني احمل…وما بجذب عليكم ….في بداية الحمل ..ماكنت حاسة بأي فرحة….بس الحين احس ان هذا الشي الوحيد اللي بيصبرني …
مرات يوم ما احصل حد اكلمه ..اكلم النونو ..جني خبلة …
بنات …لا تقولون لي بعدين بتتعودين عليه و بتحبينه ..انا مب من هالنوع ..انا اذا كرهت ما في امل احب….
الحين هو سافر يكمل دراسة…تخيلوا سنه و نص..
والمطلوب مني اني احبه ….
اي حب….واحد ماحب اشوفه …والحين مسافر…
وما تتخيلون شكثر انا مستانسة انه مسافر….
بس المشكلة …اني احس اني خلاص اتدمرت ..ماقدر اضحك مثل اول..كرهت الناس ..ماحب اكلم حد….
اااااه..ما تتخيلون شكثر ارتحت يوم كتب لكم قصتي…مابا شي ..بس ماعندي حد اكلمه…
وسامحوني طولت عليكم ….
ما ادري شقولج
انتي الزمي صلاتج واقري الادعيه واستغفري كثري من الاستغفار
حاولي قد ما تقدرين انج تحببين نفسج فيه
تذكري الاشياء الحلوه اللي يسويها
ييبيله هديه فاجئيه بها
والله يعينج
غيرج متغربلات غربال مع رياييلهم و مسقينهم السم
ادعي ربج انه يحببج فيه دام هو ريال زين و مب ناقصنه شي
كثري من الاستغفار و الدعاء و ان شاء الله بتنفرج و بتنحل مشكلتج
المشاركة الأصلية كتبت بواسطة أليكساندرا 
ما ادري شقولج
انتي الزمي صلاتج واقري الادعيه واستغفري كثري من الاستغفار
حاولي قد ما تقدرين انج تحببين نفسج فيه
تذكري الاشياء الحلوه اللي يسويها
ييبيله هديه فاجئيه بها
والله يعينج
بنات كملو الاربعين وما عرسو
حريم عرسو والله ما رزقهم بحمل
حريم عرسو ورياييلهم يصبحونهم بضرب و يمسونهم بسب
حريم منحكرين في بيت اهل رياييلهم حجرة و حمام مشترك مع اخوان رياييلهم
حريم رياييلهم عيونهم زايغه وما يعرفون وين القبلة
حريم اهل رياييلهم يسوون مشاكل من بينهم عسب يتطلقن
حريم رياييلهم ما يعرفون يكتبون وما خلصو الاعدادي
ريلج ما قصر عليج بشي وربج رزقج بحمل
يا ناس لا تبطرون على النعمه ترا النعمه بتزووول
اتعرفين لو تميتي على هالتفكير ربج بيخسفبج لانج ما حمدتيه على النعمه بتتطلقين و الي في بطنج (الله لا قال) بتخسرينه….
اسمحيلي على كلامي ….لكنج عايشه ومرتاحه…والنفسيه نحنا انعدلها بقرايه القرآن و الصلاة وذكر الله
اللي فيج تفكير من الشيطان …
وصدقيني خليه يسافر شهر …شهرين عقب بتتولهين عليه و جايز اتسافرين له…..اكثري من الصلاة و قراية القرآن و ادعي ربج انه يصفي قلبج من صوب ريلج واحمدي ربج على النعمه في كل دقيقه و ثانيه
والسموحه منج …