اليوم سار معاي شي عجيب وسبحان الله الله اراد اني اعرف حقيقة هالانسانه المهم مابطول عليكم شوفوا اليوم كيف مر علي .اليوم كان معانا عرس والعرس كان في دبي وسبحان الله كنا نحن والربع حاطين في بالنا ان ما بروح وطبعا ما اهتمينا في الموضوع مع ان مشترين ملابس جاهزه للمناسبه المهم طقت في راس اختي العوده انها تروح وفجأه الجماعه كلهم قالوا ok بيروحوا وتخيلوا الساعه كم هالكلام استوى الساعه 10 في الليل والمناسبه بكره (يعني اليوم) وطبعا انا كنت اقولهم يا جماعه مايسير شو بتسوا في الميكب منو بييكم وانتو مب حاجزين عند حد قالوا لي انتي تعرفي اللي يمكيجوا دقي على وحده منهن المهم الساعه 10 وين اروح كل الصالونات مسكره تميت احوس اتصلت في ساميه طبعا قالت محجوزه واتصلت في كذا وحده والكل اعتذر واخيرا قلت ما بدهاش على قولت اخونا المصرين ادخلي الكبيوتر يا بنيه وطبعا دخلت سيدات الامارات ملف مكيرات بوظبي وعاد قعدت اطرش رسايل تخيلوا الساعه كم ؟ كانت الساعه 12 و 1 في الليل طبعا ياني الرد من احلى واروع ثنتين في المنتدى ام شامخ وظبيانيه وكلمت ام شامخ بالتليفون وياتني الصدمه الكبرى انها طلعت محجوزه وقلت ما بقالي غير ظبيانيه وطبعا هالانسانه احسها خقاقه لكن قلت شو اسوي اتصلي وتوكلي على الله واتصلت وسبحان الله مثل ماكنت اتخيل كانت رسميه جدا وعاديه وهنيه تخاوفت وخصوصا كان الكل معتمد علي بس قلت يالله ما عدنا غيرها هي اللي وافقت انها تيينا للبيت . المهم يات للبيت وراحت لخواتي الاربع وبعدها تميت اتصل في خواتي ولا يردن علي واتصل واتصل ابى اعرف شو سار معاهن لاني اعرف لو ما عيبهن ودفعن فلوسهن بيطلعنه من عيني بعدين . المهم الساعه 6 ونصف المساء لاقيتهن عند باب بيتي وانا ما رحت بسبب ظروف مرض العيال الهمم يايني وكل وحده ظحكتها شاقه الحلج ويقولوا لي من وين تعرفي هالعسل هالبنيه فظيعه وطيوبه وفنانه في الطبخ واقولهم طلعت سوالف طبخ بعد المهم شفت المكياج ويا ريتني ما شفته ومتت من القهر لاني ما رحت شووووووووووو طلع المكياج طلع قممممممممممممه وروعه شويه عليه وطريقتها في اخفاء الحواجب تيينن استخدمت طريقه كويتيه رهيبه وخصوصا ان خواتي ما يحفن لكن طلعتهن كأنهن حافات واحلى بعد . واستأنست من وناستهن وطلعن خواتي من عندي رايحات دبي . شوي الآ تتصل الخقاقه وقلت بسم الله ورديت شوي قومنا نسولف في كل شي ونضحك واستشيرها في شدو العين وتجاوبني
وقعدنا نتكلم وايد ولا حسيت بالوقت وبصراحه استانست وايد من تعاملها الرائع والله العظيم اني ما كنت اتخيل انج جذيه يا الظبيانيه . واااااااااااااااااااسسسسسسسسسسسسسفه على سؤ الضن .
وقعدنا نتكلم وايد ولا حسيت بالوقت وبصراحه استانست وايد من تعاملها الرائع والله العظيم اني ما كنت اتخيل انج جذيه يا الظبيانيه . واااااااااااااااااااسسسسسسسسسسسسسفه على سؤ الضن .
اخيرا
طلعتي حماديه يا الظبيانيه واشوف خواتي مستانسات عليج . واظنج تعرفي ليش
ما شا الله عليها ظبيانية
بس غريبة انج حسيتيها متكبرة مع ان اسلوبها و ردودها في المنتدى very freindly و مقرب للقلب .
و موفقين دوم
الله يوفقها ظبيانية
صراحة و لا عمري حسيتها خقاقة أو شي
بالعكس حبوبة و الله يرزقها الرزق الحلا ل
صراحة و لا عمري حسيتها خقاقة أو شي
بالعكس حبوبة و الله يرزقها الرزق الحلا ل
الله يوفقها
فديييييتهااا كيوت الظباينيه امووت عليه ودي مناسبه اليوم قبل باجر عسب اتعدل عندها وبالعكس من الردود السريعه علينا احسهااامره حبوبه وطيووبه
ما شاء الله عليها ..
الله يوفقها ان شاء الله
الله يوفقها
وان شاء الله يكون لنا نصيب و نتعامل وياها
وان شاء الله يكون لنا نصيب و نتعامل وياها