اللهم لك الحمد والشكر … تم زواجي على خير ورحنا شهر العسل ورجعنا بالسلامه … والحمدلله..
ثانيا … السموحه من كل وحده بغت تتخبرني عن شي او تنشد عني وماحصلتني .. لاني قريب عرسي كان عندي مشكلة ف النت وماقدرت اجيك ع المنتدى 
وحبيت اعطيكم فيد باك بسيط عن عرسي … وبعض النصايح البسيطه للمقبلات على الزواج …
اول شي.. ليلة الحنه كانت اروع بكثير من العرس لان العروس اتحس بطعم الوناسه اكثرر …الناس القراب موجودين وكل حد مرتبش ومتحمس … وماحسيت الليله مرت بسرعه مثل العرس…
( ونصيحتي للي اهلها يبون يسوولها ليلة حنا وهي ماتبااا : ترا ليلة الحنا ذكريااتها غيرر )
وعقب ليلة الحنه كان عندي بريك يومين …
المهم يوم العرس…
القاعة لي اخترتها الحمدلله شغلهم حلو وراقي .. بس تاخروا شويه لين سلمونا مفاتيح الغرفه لان المعاريس لي قبلنا تاخروا ما سووا جك آوت بسرعه 
خ خ خ
المهم رحنا القاعة … عسب اشوف الكوشه كيف يالسين يشتغلون عليهاا…
انصدمت وايد من شغلهم … صراحه حسيت شغلهم مب نظيف ومن ورا خاطرهم مسوين كل شي … ومب مسوين الورود مثل ما انا ابا … ( او بالاصح مثل ما وعدوني )
مابدخل في تفاصيل … بس حسيت حرام فيهم الفلوس لي دفعناها … ما يستاهلون هالكثرر…
لكن بالنهايه وبعد ضرايب ويا راعي المحل .. طلعت الكوشه حلوه والمعازيم عيبتهم الكوشه …
( لكن ما يدرون من ورا الكواليس شو صار اصلا )
وبالنسبه للتصوير … صراحه وايد ارتحت لشغلهم .. قبل الموعد كانو موجودين …
وراعي محل التصوير سوالنا شغله كان المفروض راعي الكوشه يسويها ( الي هي شاشة العرض)
هو الي شغلها لنا وسوالنا … ( حليله ما قصر يزاه الله خير كان متعاون وياناا )
يعني التصوير ارتحت لشغلهم الحمدلله بس باقي اشوف الالبوم وشكلهم مابيتاخرون فيه انشالله ^^
وبالنسبه لـ المسكة … صراحه اكثرررررررر شي استانست عليه …
يابوولي المسكة روووووعة مثل ما بغيتها واروع … التوصيل كان فالوقت المناسب مثل ما وعدوني…
والورد كانت فررررررررش … لليوم الثاني تمت فرش ^^ حبيت شغل المحل وااايد… 
وبالنسبه للمكياج والشعر … ماشاء الله طلعووني خبال .. وكل حد مدح مكياجي وشعري … اححم…
وبالنسبه للماكيره لي يت لـ ربيعاتي ف الغرفه عندي .. ماشالله شغلها كان حلو عليهم ^^
بس الدي جي … صراحه ما عيبني شغلهم … وربيعاتي قالوا انه الحرمه كانت نحسه شوي…
المهم…..
بالنسبه لـ شعوري اول ما طلعت للناس ….
اول شي وانا امشي فالممر شوي حسيت بـ رهبه … بس يوم تجدمت وشفت صورتي ف شاشة العرض كيف اني طالعه ملكة الحفله .. حسيت بثقه ومشيت بوثووووق وابتسم للناس واتدلع فالتصوير هههههه
مع اني دايما كنت اتخيل اني بكوون خايفه فـ عرسي .. بس الحمدلله صار العكس…
( يمكن لاني في حفلة الملجة وليلة الحنه طلعت للناس .. فـ كان مثل براكتس لول )
اممممممممم وشو بعد …
وبالنسبه لشهر العسل .. سافرنا جزيرة موريشوس… وكانت رووعه استانسنا وايد الحمدلله ^^
وانشالله قريب بحطلكم صور السفر … ^^
ونصيحتي لـ كل عرووووس … مهما صااااار في ليلة عرسج حاولي ماتعكرين مزاجج …
وحطي فبالج ( عسى ان تكرهوا شيئا وهو خير لكم )
يعني مثلا لو الكوشه طلعت عكس توقعاتج او اذا الماكييره تاخرت عليج …
او صار شي مب مخططين له … يعني بشكل عاام ماتدرين شوو خير لج..
وبالنسبه للزهاب … اهم شي الصدقه …. لو شو ما كان المبلغ … عسب الله يباركلج ف فلوسج ويرد عنج البلا ..
وحاولي ماتكثررررررررين لانج ما بتهاجرين .. تراج بتطلعين ويا ريلج وبتتشرون وكل فتره بتحبين اتجددين ف لبسج واغراضج…
واذا اخترتي فستانج او حجزتي ماكيره او حجزتي شي .. خلاص اتوكلي على الله ..
لا اتمين اتحوسين واتدورين وتوسوسين وتغيرين رايج كل شوي …!!
لان هالشي بياثر على نفسيتج وايد …
وبالنهايه ترا كل شي نصيب ومكتووب … يعني فستانج لي بتلبسينه ولا اي شي يصيرلج مكتوب عند رب العالمين والي ربج كاتبه بيصير واتوووكلي على ربج ….
واذا اي وحده عندها اي استفسار ولا شي انا حاضره … وانا حابه انبهكم من محل الكوش هذا لكن اعتقد قوانين المنتدى ماقدر اذكر اسم المحل الا اذا حد سالني عنه او ممكن عالخاص ..
وجان بغيتوا رقم اي محل اتعاملت معاه .. او الماكيرات مثلا انا حاضره ^^
المهم … الله يتمم لكل مقبله على الزواج على خير ويطلع عرسها احلى من توقعاتها …
وعسى ربي يرزق كل عازبه الزوج الصالح الي يسعدها يارب…
والله يووفق كل متزوجه ويسعدها مع زوجها … ويرزقها الذرية الصالحه ^^
لا تنسوني من دعواتكم ^_^
ربي يوفقج اختي ويديم أيامج فرح
ونتريا تقرير العرس
والله يسعـــــــدج يــــــــــــارب
يله نتريا التقارير ________^