مرحبا خواتي,ربكم بخير الا
عندي مشكلة وصارت مارقتني وبسبتها النوم فارجني ومول هب مرتاحه كله افكر
المهم بحكي قصتيه عل وعسى احصل الحل عندكم بارك الله فيكم…
لما كنت صغيره كنت وايد مشاغبه وحركية كنت كله العب مع الشباب ما ارضي بالبنات ومسمية عمرية خالد من كثر مب مقتنقعه باني بنت المهم كانت علية حركات وكنت شيطانه لدرجه ان امي ما كانت تقدر تيودني عسب ادش البيت كله هايته بين السكيك مع العيال وتدرون لعب الاولاد كله دفاشه وضرابه وتفليع
الموضوع اللي محرجني هو:مره كنت اناقز مع عيال الفريج ونشوف منو يقفز من فوق ويوصل بعيد للعلم كان عمري 9 او 10 جي
المهم انا الحبيبه قفزت وجان يوم اقفز اطيح ع طرف الخشبه يعني الخشبة يت ع المنطقه الحساسه ومن خوفي ما خبرت الوالده بس احيد ان الدم خطف المهم
ان الجرح كيف صار اكيد مافهمتوا بخبركم كيف عل وعسى حد يخبرني كيف اعالج عمري
طحت ع طرف الخشبة ع المنطقه الحساسه وبالتحديد ع البظر لدرجه ان العظم طلع برع يعني صار مكشوف يعني الشفرتين تباعدوا وطلع العظم اللي يجمع من بينهم والله يعزكم وايد يعور حتي يوم اروح الحمام يعور وايام الدورة ايتعبني وايد وما اعرف شو اسوي وما اقدر اخبر حد استحي..شوفوا من جم سنه صابره!!
المهم كله كنت اقول عادي محد بيشوف شو فيه او بيعرف بس قبل سنتين عرفت شو يعني العرس!؟ للعلم انا عمري 22 ومحد خبرني شو العرس بالصدفه عرفت من وحده وما تتخيلون شو يعني صدمه فحياتي خصوصا ان نحن هب متعودين ع جي ومحد خبرنا بحكم عاداتنا وتقاليدنا
صراحه قلت مستحيل اعرس لان اللي فيه ومستحيل اخلي حد يشوفه وقمت ارفض كل حد يتقدملي والسبب اني مجروحه وفيه عله ومحد عارف من الاهل لحد ما صارت السالفه من اسبوع ومحد راضي يسمعني واهلي قرورا يزوجوني غصبن عني
بنات والله تعبت من الصياح وما ابا اعرس لو اموت احسن
استحي من اللي فيه شو اسوي ما عندي حد اخبره ولا اشكيله قلت بخبركم عل وعسي تنصحوني
الحين انا مالجه من اسبوع ومب راضيه حتي ارمس هالغبي اللي اسمه ريل ومب متقبله الموضوع اكرهه
بنات شو اسوي بالمنطقه والجرح اللي فيها دخيلكم والله مستحيه من الموضوع بس كتبته غصبن عني لان عندي امل بان حد يساعدني
طلبتكن لا تردني
والله الدنيا مسوده فويهي
دعواتكم الله يخليكن
الله يعينج
وانشالله البنات يفيدونج
مافي حل الا انج تسيرين المستشفى وتقولين للدكتوره كل شي وهي بتكشف عليج وبتخبرج شو العلاج اذا كان في شي او ان كل شي طبيعي
والله يعينج
باجر الصبح قومي بروحج ولا تشلين حد وياج وسيري عند اقرب دكتور امراض نساء وخليها تكشف عليج وعلى عذريتج وعلى المنطقه واطمنج عسب تفتكين من هالموضوع لانج بتعيشين بخوف بدون داعي
والعذريه ماتنفقد بهالسهوله قلبو اطمني
اما بالنسبه للتشوه اللي مستوي
رمسي امج قولي لها هالمنطقه ماعرف بلاها من وانا صغيره ولا تقولين لهاسالفه الطيحه
وخليها توديج للدكتورة
ولو حصل شي لاسمح الله في المستقبل على الاقل امج تكون تعرف الموضوع وتقدر ترد
مب تصدمينها
والله يسر عليج
ولا تخوفين عمرج لو انتي مب مسوية شي غلط