السلام عليكن
اشحالكن صبايا يعلكن بخير ونعمة
بس حبيت استفسر عن الطرحة
مالت عروس هل هي شرا قبل من تحت التسريحة
ولا شرات شيلة الساري أحيين
انا متردده شو أخذ حق عرسي
وصح أحيين في حد يلبس تاج كريستال ولا غدت موضة جديمة !!
ترى انا خاطري ألبس تاج كريستال في عرسي
وسلامتكم ..
هيه موضة التاج الحين …
لبسي تاج و ثبتي الطرحة من تحت الشعر..
موفقة
اخذيلج تاج ألماس من بلجيكا .. عندهم التيجان تجنن و الله يوفقج
تسلمون ع ردوود انا أصلا خذيت ويا الفستان
الطرح اللي يثبتون من تحت الشعر ويا تاج كريستالي
بس للحين متردده قلت يمكن اغيره بس زين طمنتوني
ربي يحفظكن
تدرين انا عرسي جريب بس فكرت في الطرحه لانها احلى بواايد التااج مب حلو ولا يبرز شكل العروووس خذي الطرحه اللي تكون طويله وكلها كرستالات احلى بوااايد ^^ انا باخذ طرحه وقررت خلاص لانها ترفع الكبه مال الرااااس واحلى يظهر شكل العروووس