افتتاح باب التسجيل لقروب

السلام عليكم ورحمة الله وبركاته …..

بعد غياب طويل عدنا من جديد لطرق باب الرشاقة الذي كان جزء من حياتي ومن حياتي مشاركيني …..اليوم افتتح تجمع جديد يشمل خمس باقات تهدف الى الطموح والتحدي والرشاقة …..

طبعا الي شاركني قبل عارف تجمعاتي وقروباتي والي مايعرفني احب اعرف عن نفسي ….

الاسم :غلا نفسي
بديت مشوار الرشاقة والتجمعات من 2024 ومازلت مستمره وهدفي من هذا المشوار هو
( الرشاقة)…..

أحب دوم الجديد والمتنوع والمحفز للوصول الى الهدف لكن بطرق صحيه وسليمه ….

ماراح اطول عليكم بس حابه اعطيكم نبذه عن هذا التجمع …. الي راح ينقسم الى خمس باقات :

* باقة المئه ومافوق …(من100…..)

*باقة التسعين ومافوق …(90-99)

*باقة الثمانين…(80-89)

*باقة السبعين …(70-79)

*باقة الستين …(60-69)

طبعا رااح تندرج أسماء المشاركين في الباقات على حسب الوزن حتى يبين الفرق بين كل باقة ويزداد الحماس والتحدي ما بين الباقات كلها ….

النظام الي رااح نمشي عليه والي انا دووم احب استخدمه والي احسه ناجح هو (التخفيف)
لانه نتايجه مبهره والى ابعد الحدود لا اني احرم نفسي من شي ولا اقسي على نفسي ….

طبعا لنا شرووط واساسيات رااح نمشي عليها في هذا التجمع الي رااح تساعدنا كلنا باذن الله على النزول الصحي …..ورااح اشرح هذي الشروط والاساسيات في اول يوم من افتتاح التجمع الي رااح يكون باذن الله
يوم الجمعه مساءا تاريخ 1112019…لكن اول يوم تسجيل اليوميات بيكون يوم السبت 1212019

وهذا التجمع باذن الله رااح يكون لمدة اربع اسابيع يعني شهر باذن الله …

باب التسجيل مفتوح من اليوم الاربعاء بما انه صارت الساعه 12:00 يعني دخلنا يوم يديد لحد
يوم الجمعه 1112019 الساعه الرابعه عصرا

بعد هذا الوقت ماراح يتم استقبال اي مشاركه واعتذر لهذا القرار لانه في صالح الجميع واتمنى التعاون من الكل وعدم اخذ الموضوع بحساسيه ……

لتسجيل ماعليكم سوا تسجيل البيانات التاليه :

1- الاسم ……

2- الوزن …..

3- الهدف في هذا الشهر …. مثال: هدفي النزول 5 كيلو في هذا الشهر ….

مشاركتكم تسعدني وانا في انتظاركم …..غلا نفسي ….

ولكم باااااااك

لتسجيل ماعليكم سوا تسجيل البيانات التاليه :

1- الاسم ..المصارعة
2- الوزن …71
3- الهدف في هذا هدفي انزل 6 كيلو

انا حابه أشارك

الاسم : cupcake
الوزن : 74.9
الهدف لهالشهر : 7 كيلو أبا اوصل 67.9

هلا الغلأ ومرحبا. ومليون …. مطول الغيبات ياب الغنائم ؤالله فقدت الروتين اللي اتبعته معج وحاولت جاهده ما أخبص الدنيأ ووصلت لوزن 82 وسافرت فالإجازه ورجعت. ومعرف وزني حاليا
لكن أكيد معج وبخبرج بأجر أن شاء الله … إحجز مكاني

هلا فيج حبوبه وانتي اول المشاركين وحياج الله وشكرا على الترحيب ….شدي حيلج معانا

هلا فيج اختي ومرحبا الساع اكيد مشاركتج مقبوله وهالله هالله بالحماس وشدي حيلج وباذن الله رااح توصلين لنتيجه الي تبينها موفقه

مرحبا خواتي

موفقات حبيباتي