اسحري زوجج باأفضل الطرق !!

من الاشيا والكلمات الي تسحر الزوج:

شي محد يقدر يعارضه الا وهو ان الزوج يحب يحس برجولته ولازم عشان يحس برجولته يكون هو سيد البيت

لازم لازم تهتمون بهالناحيه وما تهملون هالشي. بتحسبون انه شيء عادي لكنه عظيم للزوج. خليه يحس ان انتي اكثر وحده تعظمين وتقدرين رجولته. وابدن لا تذكرينه بأخطائه.
(اذا الزوج نسا اييب شيء للبيت او لج او للعيال. لا تقولين ليش مايبت ولا تحتشرين ولا تقولين ليش نسيت!! سبحان الله نحن نعتبر العتب من هالنوع عادي لكن تأثر في نفسية الزوج وايد وايد وحتى لو ماظهر هالشي على ويهه !! قوليله ماعليه حبيبي باجر ييبه. ومن الكلام الي يريح البال)

وبقولكم على كلمه تسحر الريال كلمه رووووووووووووووووووووووووووعه صج صج روعه وهي كلمة
(((حاااااااااااااااااااااااااااااااااااااااااااااا اااااااااااااااااااااااااااضــــــــــــــــــــــ ـــــــــــــــــــر)))

اي شي يطلبه منج قوليله حاضر

هذي نصيحة الاعرابية لأبنتها يوم زفافها اذا طبقتوه والله بتلقون الزوج غارق بسحرج

((أي بنيه انك فارقت بيتك الذي منه خرجت ، وعشك الذي فيه درجت إلى وكر لم تعرفيه ، وقرين لم تألفيه فكوني له أمة يكن لكي عبدا واصحبيه بالقناعة ، وعاشريه بحسن السمع والطاعة ولا تعصي له أمرا ، ولا تفشي له سرا ، وكوني أشد الناس له إعظاما .
واعلمي أنك لا تصلين إلى ما تحبين حتى تؤثري رضاه على رضاك وهواه على هواك " .
فالرضا بالقناعة وحسن السمع له بالطاعة والتفقد لمواقع عينه وأنفه فلا تقع عينه منك على قبيح ولا يشم أنفه منك إلا أطيب الريح والاجترار لماله و حشمه وعياله .
فلا تعصي له أمرا ولا تفشي له سرا فإنك إن خالفت أمره أوغرت صدره وإن أفشيت سره لم تأمني غدره.
إياك والفرح بين يديه إذا كان محزونا والحزن بين يديه إذا كان فرحا.

اقروه عدل ,, افهموه ,, ترا هالنصيحه وايد مفيده لكل متزوجه تبي تكسب زوجها واتخليه يرضيها واحلا شي انج لجأتي للطرق الحلال احسن التعامل ويا السحره والي تخسرين دينج ودنيتج واخرتج بس عشان شخص من تراب

محد في هالدنيا يستاهل اني اخسر حياتي وديني واخرتي عشانه لا امي ولا ابوي ولا اخوي ولا زوجي ولا اختي ولا حتى حبيبي
تذكرو هالأية
(يَوْمَ يَفِرُّ الْمَرْءُ مِنْ أَخِيهِ {34} وَأُمِّهِ وَأَبِيهِ {35} وَصَاحِبَتِهِ وَبَنِيهِ {36}) صدق الله العظيم

__________________________________________________ ________

كلمه ثانيه يحب يسمعها الزوج وهي
((حاضر يا سيدي ))

ومره انا قلت كلمه لريلي وصرت دوم اقولها له وهي
((من عيوني يا سي السيد مو انت تامرني؟ انت سيدي وغصبن عني اطيعك))
استانس ريلي على هالكلام ومن وناسته يضحك يمكن ضحكة حيا على كبرياء ..

السحر العظيم هو انج ادللين زوجج وايكون الطفل المدلل
بعض الحريم يتشكن يقولن انا ادلعه
يحسبون الدلع بأن تدلع اسمه او تحضنه ومن هالأمور
الدلع هو كيف لما ادللين طفلج تشترين له كل شي تلبين طلباته
تسهرين لمرضه
تواسينه

دلع الزوج نفس دلع الطفل
يعني تحضنيه وغيره ولكن اهم شي تلبين طلباته ((الطفل اذا مالبيتي طلبه يصيح ويزاعج ))
لكن الريال اذا مالبيتي طلباته بيعاندج من تحت لتحت

دلع الزوج هو انج تفرحين لفرحته وتحزنين لحزنه تشاركينه لحظاته و ان مرض انتي له العيون الساهره
ان تأخر عليج مجرد مسج مؤثر اتحسسينه الام الي تخاف على اولادها (طبعا تحذري بدون ما تستصغرينه)
و عشان تحذرين انج تستصغرينه اكتبي له مسج مثل هالنوع
(ممكن تستحي على ويهك وتحترم الشوق الي بقلبي و حرقتي عليك وتتصل اطمني عليك ؟)

مرة طرشت هالمسج على البي بي لريلي والله وهو عند ربعه اتصل وكلمني بصوت خافت وقال استحيت من هالمسج

كل ريال له طريقه وكل ريال له مفتاح

مره الوالد نصحني (انا والوالد كثير قراب من بعض)
مره قالي ان كل رجل في هالدنيا له مفتاح ولما تتزوجين لازم تلقين المفتاح الي بزوجج ,, من خلال هالمفتاح تقدرين تدخلين قلب الزوج وتقدرين اتحددين الاسلوب الي بتتعاملين في مع الزوج..

صراحه نصيحه من ذهب
صعب انج تلقين هالمفتاح في بعض الازواج ولكن لازم تحاولين وبهداية وقدرة الله بتقدرين تلقينه…

اهم شي اتعرفون ان الدلع مو بس بالليالي الرومانسيه ولكلام المعسول
دلع الزوج انج ما تعاندينه وبنفس الوقت ما تكونين انسانه كسيره جدامه واهم شي تلبين مطالبه
انا من حين لأخر احب اقرا من نصايح الأعرابيه لأنها فعاله

واهم شي نصيحة الرسول صلى الله عليه وسلم عن مواصفات الزوجة الناجحة فى حديث فيما معناة ( اذا نظر اليها سرته واذا غاب عنها حفظته فى عرضها ونفسها ومالها وبيتها

وكيف تسرين ريلج (انج تأسرينه تسحرينه بكلمة حاضر))

__________________________________________________ _______

بعض مواقف الي ممكن تفيدكم

بنت خالتي متزوجه سعودي وقالت لنا مره وعلى يوم اليمعه هي بالعمد خبت مقص الاظافر وهو كان يدوره وقالها دوري لي على مقص الاظافر ,,قالت له ما لقيته ويابت العدة مال ترتيب الأظافر
قامت بردت اظافره ورتبتهم ولمعته وهو وايد استانس على هالشغله
الحين هي صارت اتقص اظافر ريلها وترتبهم يعني صار متل الطفل

نحن في المغرب واعتقد في جميع بلاد العرب عندنا مقوله خلي زووجج طفلج المدلل
لكن لازم انطبق

في موقف ثاني لبنت خالتي ما شاء الله عليها روعه هالحرمه حكيمة بدرجه كبيره

اتقول لنا مره زوجها كان متأخر وتتصل فيه ما رد عليها واطرش له مسجات وابدن ما رد عليها
ورجع البيت الفير الساعه 3 ونص الفير
((الزوج هني متوقع ان الزوجه راقده او اذا كانت واعيه بتعصب عليه وتضارب وياه))
لكن هي عكست كل توقعاته
قابلته ببتسامه ولهفه وخوف وفرحه (مثل الطفله المشتاقه لأبوها)

وايد استانس ريلها وهو اصلن كان يبا يختبرها

اتمنى الموضوع يفيدكم واتمنى بعد تفيدونا بتجاربكن وخبراتكن واتمنى ان الموضوع ما ياخذ منحنى ثاني عسب ما ينغلق شرات الموضوع الاول

صدقج
انا يوم اعاند مع ريلي يطنشني ويطلع
لكن يوم اقوله من عيوني فالك طيب يقولي فالج اطيب واحس تعامله وياي يكون بمودة ومحبة

بعد الريال ما يحب الحرمة الي تظهر قوتها وتسلطها وجانه موجود ومولود ليخدمها
الي احسه اختي ام رشودي فالريال بصفة عامة انه يحب يكون الطفل الدلوع عند الحرمة مثل ما يحب يكون السلطان عليها
احيانا نشوف ان التعامل مع الريال شبه مستحيل لكن لو الحرمة تفكر بعقل بتخلي الريال يعيشها فسعادة دايما

ازيد على كلامج خيتو ام رشودي الريال يحب الحرمة القليلة الطلباتالكثيرة العطاء الحنونة القلب المسامحة

مشكورة وان شاء الله الموضوع هالمرة ياخذ مجرة نقاش طيب

بصراحه اهم شي الوحده تسمع كلام ريلها وتنفذ طلباته وما تعانده ابد لان العناد سبب المشاكل

ولازم كل زوجه فكرت واقتنعت بالزواج لازم تعرف كيف تكون صبوره مع زوجها واعيالها

وربي يهدي كل الازواج والزوجات

تسلمين اختي ام رشودي على الكلام الطيب ^^

اختي حزينة الامه
كلامج صح امية بالأمية

تدرين ريلي لما اطلب منه شي اني اسير لمكان ويا خواته او ويا اي اي احد
ابدأ بهالطريقه ((ودي اسير ويا خواتك اتمشى نبا نسير المول ,,عشان اغير جو ومن هالكلام ………………….الخ
وبعدين اذا قال لا .. ما اعاند ولا احن وايد ,, اقوله ليش بس ابا اسير اغير جو وهو يقول لا يصمم على كلمت لا
وانا اقولها خلاص برايك اهم شي عندي رضاك واحتك ,, شو ابا بالروحه وانت مب راضي واعطيه من الرمسه السنعه …………………………..!!! بعدين هو يلين ويقول انتي خاطرج اتسيرين ؟ اذا ودج اتسيرين خلاص سيري ومن هالكلام …………………………………. بس انا ما ارضى حتى لو قالي عسب اكبر بعينه وثاني شي عشان لما اطلبه مره ثانيه ما يردني على طول خخخخخخخخخخخخخخ

مشكوره على مشاركتج الغلا

بنت دي اكس بي
كلامج عين العقل وبرافو عليج
عيبني كلامج وكل كلمه قلتيها صح واتمنى البنات يتبعون نصيحتج والله يهدي الجميع

مناسي العفو حبيبتي واي سؤال انا حاضره

يزاااج الله خيير خيتوؤؤه,,, ولوووو عندج المزييييييييييييد لا تبخلين علينـآ ^_^