السلام عليكم ورحمة الله و بركاته ..
خواتي الغاليات بغيت شوركن ،،،
عندي مناسبة في شهر 1 .. و أبغي أفصل فستان …
ف شو هي موضة الفساتين الدارجة اللحين شو الخامة الدارجة هالفترة و خاصة اللحين في الشتا ؟؟
دانتيل فصلت لمناسبة هالاسبوع … و شيفون عيزت من كثر ما كنت البسه قبل …
و اللحين حابة اغير للمناسبة الثانية و مب عارفة شو الخامة أختار ؟؟ فكرت في المخمل .. تشوفونه دارج هالفترة و لا ؟
و شو هي الألوان الدارجة لموسم الشتا ؟ ما أبغي الأسود و لا السيلفر ؟
بشرتي حنطية ف شو اللون المناسب لبشرتي ؟
لا تبخلن علي بردودكن …. شكرا مقدمـــآ ….
والا التور والا الحرير
لا اتفكرين في شي ثاني
الي دارج الحين و خصوصا هل موسم :
1)الكشكشة
2)كل شي فيه لمعان– هذا يقدر أن يكون إما للفستان أو أي من الإكسسوارات مثل الشنطة او النعال.
3)فستان بكتف واحد —واااايد دارج و تقدرين تصممي الفستان بالطريقة اليونانية
4)الشيفون و التول
و الالوان الي دارجة كل عادة الاسود والبني والاحمر.. بس الالوان الفاتحة بعد مثل البنفسجي(وااااااااااايد دارج الحين)و الوردي والابيض.
كيف تبين الفسات؟؟؟ لو تحبين الهادي الانيق شوفي فساتين ماركة marchesa وايدين من الممسلات يلبسون منها !!
لو تبين اي مساعدة ثانية ارسليلي عالخاص و انا بساعدج اي وقت 
وبالتوفيييييييييييييييق
ربي يوفقج