.
.
حبايبي فديتكن يا أغلى خوات ،، عرسي جريب وما تم شي
بدينا بالعد التنازلي،،
.
.
.
.
وتمت نقطة وحده يبالها مشورتكم الطيبة ،
باجي اختار الطاولات،، ومحتارة بين هالثلاث وبغيت رايكم،،
من الأحسن والأفضل ؟ وشوه الدارج والأنسب ؟
.
.
الطاولة ( 1 )
طاولة هلالية الشكل ، لونها فضي ، وعليها مرايا تعكس الضوء
هالطاولة حسيتها غريبة ويديده ،، وما جفت شراتها وايد ،،
الحلو فيها أن الناس بتقعد في جهة وحده ( حذال بعض )، وبتواجه الكوشة،، والكوشة هي المهمه بحكم أن كل الأحداث تصير في الكوشة ،، بس العيب أنه يمكن ما يرتاحون حزة دخلة العروس ؟ لانه شي من الطاولات طوال فاللي يالس في الأخير بعيد عن الممر هل بيقدر يجوف العروس وقت الزفة ؟ بعدين فكرت قلت بيكون في مساحة أنهم يلفون ،،بس هل الأشخاص اللي في طرف الطاولة الأخير بيجوفون ؟
طاولة ( 2 )
الطاولة الزجاجية – دائرية الشكل ،،
الزجاج حلو لإنعكاس الضوء ، شكلها دائري الناس بتجابل بعضها البعض ،،ومصنوعه من زجاج كامل أو أكريليك يعطيها رونق ولوك يديد،،
تظل مشكلة أن الضيوف حد بيعطي ظهره للكوشة وحد بيضطر يلف حزة دخلة العروس, شوه رايكم؟
كشلك وتصميم هي رائعه بس تقليدية من حيث الشكل الهندسي (دائرة) وغير تقليدية أنها مصنوعة من زجاج وما تحتاج مفرش ،،
طاولة ( 3 )
دائرية – خشب – ستاندرد لوك
هالطاولات هي اللي متواجدة في أغلب الأعراس ، واللي تتغطى بمفرش خاص يغطي الطاولة
بس مادري احساسي تجاه هالطاولات مب وايد مقتنعه فيهم ،،أحسن هالنوع من الطاولات مرات يأخذ من جمال القاعة ويأثر فيها بطريقة مب حلوه ،، هل حد عنده فكرة ؟
وأسعار هالطاولات بالعادة مجاني ما يكلف لانه يعطونج إياها مع القاعة ،، فهالشي إيجابي ،،
.
.
.
ساعدوني تصويت ، أو رايكم ،،
بنات اللي حضرات أعراس فيها طاولات شرات اللي فوق ، تخبرنا عن تجربتها ، شوه الايجابيات والسلبيات ؟
مشكورات ^_^
واللي ترد عسى الله يوفقها يارب 
والله يوفقج
ما شفتها قبل
و لا تحاتيين الكل بيشوفج .. لأنه يوم تدخل العروس الناس بروحها تلف كراسيها صوب العروس عشان تشوفها ^_*
بس رقم 1 وايد راقية و رهيبة توكلي ع الله و يوم بيلسون بيلفون الكراسي ^..^