الوسم: المانيا

مرحبا خواتي شخباركم سمعتوا عن المرض المنتشر في المانيا صدق والا جذب بصراحه زياغ كله والا البطن لوعوا جبدنا كل سنه ايطلعولنا مرض ويخربون علينا الصيف والسفر شو بتسون ياخواتي بتسافرن

للللرفع

توني اسمع منج الخبر

الله يستر ويحفظ الجميع

ان شاء الله ياختي الله يحفظنا جميع بس نريد نتاكد مافي تفاعل ليش اللي عندها معلومه تخبرنا فديتكن

اونه في الخظروات لاحد ياكل خظروات وخلاص بس احسه اشاعة بلاك بيري مش اكثر .!
لاني ماسمعته في الاخبار او الجرايد او مال الاخبار في التلفونات

انا ف المانيا
لين اللحين يقولون انه موجود ف الخيار والطماط
وخاصة الاسباني
والحادثة استوت ف فرانكفورت

طبعا مثلكم سمعت من عمتي وهي قرته من اخبار النت

ياريت تكون اشاعات

——————————————————————————–

السلام عليكم

ياليت تساعدوني بايجاد مستشفى او عياده مختصه لامراض النساء في ميونيخ المانيا…
ضروووووووووووووووووووووووووووو ووووووووري
اللي تعرف حد رايح ومعالج تساله
ولكم مني جزيل الشكر..

والله اختي انا ماعندي فكره بس حبيت ارفع لج الموضوع

تسلمين حبيبتي وماقصرتي

هلا حبيبتي انا ساكنه في ميونخ واراجع عند هالدكتوره وايد فنانه ترمس انجلش اوكي وهي تعرف للعرب روحي لها هذا رقمها ٠٨٩٢١٢٦٨٥١٠ خذي موعد وياهم وموقعها شوفيه في الجوجل ماب هذا الموق مالهم https://www.hilderscheid.de/ الله يوفقج حبيبتي

الف شكر الغاليه

موفقة الغلا

والله اختي انا ماعندي فكره بس حبيت ارفع لج الموضوع

بناااات شحالكم

بغيت اسالكم ,, انا في خاطري اسير فرنسا والمانيا بس مب ف الصيف بعدين انشاء الله يعني خطه مستقبليه لكن ولا مره سرت هناك,,

تتوقعون لو سرت انا وريلي بروحي بنعرف كل الاماكن فيها ونتصرف هناك ولا

لان انا اسمع عنها من اهلي وهم دايما يسافرون مع بعض عشان جيه يعرفوولها

مادري بس حابه انكم تساعدوني

مرحبا الغاليه…

هيه ان شالله بتعرفين لها…في حال انكم تستخدمون سيارتكم الخاصة ضروري يكون عندكم الجارمن ..استخدامه جدا راح يسهل عليكم معرفة الاماكن..وطبعا هذي الطريقة اللي احبذها خصوصا في اوروبا ان يكون عندكم سيارة خاصة فيكم…

بكل الاحوال الامور جميعها تتيسر واتوكلي على الله..

بصراحه اختي الرحله حلوه وتستااهل انج تسيرين

تراه المانيا وايد حلوه وسهله احنا اجرنا سياره انا وريلي
وماخلينا مكان الحمدلله خذنا جهاز جارمن من البلاد
واكتبي المكان الي تبين تسرينه وهو بيوديج مكان ماتبين
ان شاءالله تستانسين ياارب

ما يباااااااااااله شي